- 2017-11-21 02:27:07
- ព័ត៌មាន
ប្រាក់ខែច្រើន មិនខ្វះការងារ អាចបើករកស៊ីខ្លួនឯងបានទៀត មានជំនាញណាល្អជាងហ្នឹងទៀត
- 2017-11-21 02:27:07
- ចំនួនមតិ 0 | ចំនួនចែករំលែក 0
ប្រាក់ខែច្រើន មិនខ្វះការងារ អាចបើករកស៊ីខ្លួនឯងបានទៀត មានជំនាញណាល្អជាងហ្នឹងទៀត
ចន្លោះមិនឃើញ
ជំនាញជួសជុលរថយន្ត ជាជំនាញមួយដែលកំពុងមានសក្ដានុពលនាពេលបច្ចុប្បន្នបើតាមប្រសាសន៍របស់ លោក គ្រូ សិម សុរិន្ទ ជានាយកសាលាបច្ចេកទេសជួសជុលរថយន្ត JVC បានប្រាប់ Sabay ថាបច្ចុប្បន្នជំនាញនេះពុំសូវមានសិស្សរៀនច្រើនទេពីព្រោះត្រូវការមានការតស៊ូអត់ធ្មត់ព្យាយាមប្រើកម្លាំងនិងប្រឡាក់ដៃជើងលោកគ្រូចង់ឲ្យមានអ្នករៀនជំនាញនេះឲ្យកាន់តែច្រើនដើម្បីបំពេញតម្រូវការការងារនាពេលបច្ចុប្បន្ន។
ខាងក្រោមនេះជាចំណុចមួយចំនួនដែលយុវវ័យគួរសម្រេចចិត្តរៀនជំនាញនេះ៖
តម្រូវការការងារពេលបច្ចុប្បន្ន
ស្របពេលនៃការប្រើប្រាស់រថយន្ត នៅប្រទេសកម្ពុជានាពេលបច្ចុប្បន្នមានការកើនឡើង ជាពិសេសរថយន្តមួយទឹកព្រោះវាមានតម្លៃធូរថ្លៃដែលអ្នកមានជីវភាពមធ្យមអាចទិញប្រើប្រាស់បាន តែក៏មានបញ្ហាខូចជាញឹកញយផងដែរទាំងនេះហើយដែលធ្វើឲ្យមានអ្នកបើកការ៉ាស់ជួសជុលរថយន្តជាច្រើនហើយក៏ត្រូវការអ្នកមានជំនាញជួសជុលនិងថែទាំរថយន្តមកធ្វើការច្រើនផងដែរ។
អាចបើកជាមុខរបរផ្ទាល់ខ្លួនបាន
ក្រោយពីបញ្ចប់ការសិក្សាជំនាញផ្នែករថយន្តរួចអ្នកដែលមានជំនាញនេះច្បាស់លាស់ និងមានលទ្ធភាពគ្រប់គ្រាន់ មិនចង់ធ្វើការឲ្យគេក៏អាចបើកជាការ៉ាស់ជួសជុលរថយន្តផ្ទាល់ខ្លួនដើម្បីរកស៊ី។
ក្លាយជាគ្រូជំនាញផ្នែករថយន្តពិតប្រាកដ
អ្នកដែលមានជំនាញរថយន្តផ្នែកណាមួយពិតប្រាកដក៏អាចមានឱកាសក្លាយជាគ្រូបណ្ដោះបណ្ដាលជំនាញនេះនៅតាមសាលា វិទ្យាស្ថានដែលបានបើកបង្រៀនជំនាញជួសជុលរថយន្តផងដែរ។
មិនចាំបាច់ត្រូវមានសញ្ញាប័ត្រក៏អាចរៀនបាន
រៀនជំនាញជួសជុលរថយន្ត មិនចាំបាច់ចេះអក្សរឬរៀនចប់ថ្នាក់ទី១២ ក៏អាចរៀនបានដែរគឺអាស្រ័យទៅលើចំណង់ចំណូលចិត្ត និងទេពកោសល្យការព្យាយាមព្រោះថាជាជាងជួសជុលរថយន្តត្រូវប្រើកម្លាំងប្រឡាក់ប្រេងមិនសូវស្អាតឡើយ។
មានឱកាសធ្វើការក្នុងក្រុមហ៊ុនធំៗទទួលបានប្រាក់ខែច្រើន
ក្រៅពីធ្វើការតាមការ៉ាស ឬបើកជាមុខរបររកស៊ីផ្ទាល់ខ្លួនក៏អាចក្លាយជាបុគ្គលិកក្រុមហ៊ុនរថយន្តធំៗដែលទទួលបានប្រាក់ខែច្រើន លើសបីនេះក៏មានឱកាសទៅធ្វើការនៅក្រៅប្រទេសទៀត។
ចុចអានបន្ត៖
