Nokia 2 សាកតែម្តង លេងម៉ាឆ្អែត

2017-11-11 08:07:37
ព័ត៌មាន

2017-11-11 08:07:37
ចំនួនមតិ 0 | ចំនួនចែករំលែក 0

ចន្លោះមិនឃើញ

Nokia បានចេញលក់ទូរសព្ទស៊េរីថ្មី ដោយបានចាប់ផ្តើមបោះលក់តាមបណ្តាហាងនានាពីរបីថ្ងៃមុននេះ។ ម៉ូដែលថ្មីនោះគឺ Nokia 2 ជាទូរសព្ទដែលរចនាឡើង តម្រូវចិត្តអ្នកចូលចិត្តលេងទូរសព្ទយូរៗ ដែលធុញទ្រាន់ការសាកថ្មញឹក។

ការរចនារូបរាងខាងក្រៅមិនប៉ុន្មានទេ ប៉ុន្តែទូរសព្ទនេះថ្ពក់ចិត្តអ្នកប្រើប្រាស់ដោយសារសមត្ថភាពកាន់ថ្មមិនធម្មតារបស់វា។

អ្នកនាង ស្រី អូន ម្ចាស់ហាងទូរសព្ទស្រីអូនម្តុំគីរីម្យបានប្រាប់ថា សមត្ថភាពកាន់ថ្មខ្លាំងរបស់ Nokia 2 អាចនិយាយបានថាគួរឲ្យចាប់អារម្មណ៍ ប៉ុន្តែតម្លៃក៏ប្រជែងស៊េរីធុនល្មមៗមួយចំនួនទៀតដូចជា Y32 របស់ Huawei ជាដើម។

ម៉ូឌែល Nokia 2 មិនត្រឹមតែមានថាមពលថ្មខ្ពស់ដល់ទៅ 4100 mAh វាបំពាក់ដោយអេក្រង់ទំហំ 5 អ៊ីញ ប្រភេទ LTPS LCD HD display។ ជាមួយនឹងកាមេរ៉ាខាងក្រោយទំហំ 8 មេហ្គាភិចសែលដែលមានមុខងារ automatic scene detection និង auto focus។ រីឯកាមេរ៉ាខាងមុខទំហំ 5MP។

អ្នកនឹងទទួលបានទំហំផ្ទុកសម្រាប់រូបភាពតាមដែលអ្នកចង់បានទៅក្នុងmemory card slot និងទំហំផ្ទុករូបភាព និងវីដេអូឥតដែនកំណត់ទៅក្នុង Google Photos។

ដំណើរការជាមួយនឹងប្រព័ន្ធប្រតិបត្តិការ Android Nougat និង Android Oreo ready អាចឲ្យ Nokia 2 ទទួលបានបច្ចុប្បន្នភាពសុវត្ថិភាពសុវត្ថិភាពប្រចាំខែ ជាមួយនឹងមុខងារដ៏វៃឆ្លាតដូចជា Google Assistant។

លោក Juho Sarvikas ប្រធានផ្នែកផលិតផលនៃក្រុមហ៊ុន HMD Global ឲ្យដឹងថា គ្រប់ផ្នែកទាំងអស់ Nokia 2 រាប់ចាប់ពី display ទៅដល់ថាមពលថ្ម ពី chipset ទៅដល់ការរចនាប្រព័ន្ធខាងក្នុង ត្រូវផលិតឡើងឲ្យស៊ីថាមពលតិចបំផុតពីបន្ទះថ្មដ៏ធំមួយ ផ្តល់ឲ្យអ្នកប្រើប្រាស់ស្មាតហ្វូននេះកាន់ថ្មបានយូរ។

ជាមួយថាមពលថ្មដែលកាន់បានយូររហូតដល់ទៅ 2 ថ្ងៃ ទូរសព្ទដៃថ្មីម៉ូដែល Nokia 2 ត្រូវបានផលិតឡើង ដើម្បីឲ្យអ្នកប្រើប្រាស់ប្រើបានយូរ មិនងាយអស់ថ្ម ខុសប្លែកពីទូរសព្ទដទៃទៀត ដែលត្រូវការសាកថ្មជាញឹកញាប់។

Nokia គឺជាប្រភេទទូរសព្ទដែលល្បីឈ្មោះជាយូរមកហើយ ចំពោះសមត្ថភាពធន់ រឹងមាំ។ លក្ខណៈពិសេសនៃបច្ចេកវិទ្យា របស់ Nokia 2

CPU: Qualcomm® Snapdragon™ Mobile Platform
ប្រព័ន្ធប្រតិបត្តិការ: Android Nougat
RAM: RAM 1GB DDR3
ទំហំផ្ទុក: 8GB (អាចថែមមេម៉ូរីក្រៅបានហូតដល់ទៅ 128GB ជាមួយកាត MicroSD)
អេក្រង់: 5.0 "HD 1280 x 720 LTPS LCD, In-Cell Touch, Corning® Gorilla® Glass 3
កាមេរ៉ា:

-កាមេរ៉ាខាងក្រោយ: 8MP ជាមួយ LED flash

-កាមេរ៉ាខាងមុខ: 5MP fixed focus
ថ្ម: 4100 mAh