iPhone X​ ​ទើប​រក​ឃើញ​ថា​ទទួល​បាន​ ​១០២​ ​ពិន្ទុ​ ​ដែល​កំពុង​ក្ដាប់​តំណែង​ជា​ស្មាតហ្វូន​កាមេរ៉ា​ថត​រូប​ខ្លាំង​ជាង​គេ​សម្រាប់​ទីផ្សារ​បច្ចុប្បន្ន​ ​ខណៈ​ពិន្ទុ​ថត​វីដេអូ​មាន​ត្រឹម​ ​៨៩។

ទន្ទឹម​នោះ​ ​គណនី​បណ្ដាញ​សង្គម​វីដេអូ​ ​YouTube​ ​អ្នក​ថត​រូប​ដ៏​ល្បី​ ​Fstoppers​ ​បាន​ធ្វើ​ការ​ដាក់​សាក​ល្បង​នូវ​សមត្ថភាព​ថត​វីដេអូ​កម្រិត​ ​4k​ ​និង​ទម្រង់​ផ្សេង​របស់​ ​iPhone X​ ​ដែល​មាន​តម្លៃ​ប្រមាណ​ ​១ ០០០​ ​ដុល្លារ​ជា​មួយ​នឹង​កាមេរ៉ា​ ​Panasonic GH5​ ​តម្លៃ​ប្រមាណ​ ​៣ ០០០​ ​ដុល្លារ​ ​(គិត​ទាំង​ ​Lens 8-18mm)។

ជា​លទ្ធផល​ ​សម្រាប់​ការ​ថត​នៅ​កន្លែង​មាន​ពន្លឺ​គ្រប់គ្រាន់​ ​គុណភាព​វីដេអូ​រវាង​កាមេរ៉ា​ ​និង​ស្មាតហ្វូន​ទាំង​ពីរ​​ខាង​លើ​នេះ​ ​គឺ​ប្រហាក់ប្រហែល​គ្នា​ ​ហើយ​កាន់​តែ​មិន​សរសើរ​មិន​បាន​ជា​នូវ​មុខងារ​រក្សា​លំនឹង​វីដេអូ​នៃ​ឧបករណ៍​ទាំង​ពីរ។

ដោយ​ឡែក​ ​សម្រាប់​ថត​នៅ​ទីតាំង​ងងឹត​ ​កាមេរ៉ា​ ​Panasonic GH5​ ​គឺ​ស៊ីដាច់​កាមេរ៉ា​វីដេអូ​របស់​ ​iPhone X​ ​តែ​ម្ដង​ ​ខណៈ​ ​GH5​ ​មិន​ឡើង​គ្រាប់​ចុច​ៗ​ ​(Noise)​ ​ច្រើន​ដូច​ ​iPhone X៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ ​កុំ​ភ្លេច​ចុច Like Page Sabay News Technology...

ចុច​អាន​បន្ត៖

• ទូរសព្ទ​ ៦ ​​ម៉ូដែល​មាន​កាមេរ៉ា​ល្អ​ដាច់​គេ​ក្នុង​លោក
• ភ្ញាក់ផ្អើល​មិន​ស្ទើរ ពេល​ដឹក​ម៉ាក​ទូរសព្ទ​សេដ្ឋី​ចិន​ Jack Ma