Xiaomi ពង្រីកហាង Mi Home ដល់ឥណ្ឌា

2017-05-12 01:46:23
ព័ត៌មាន

2017-05-12 01:46:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Xiaomi បានបើកហាង Mi Home ដំបូងរបស់ខ្លួននៅប្រទេសឥណ្ឌា ដែលមានទីតាំងស្ថិតនៅក្នុងផ្សារទំនើប Phoenix, Bengaluru។ ហាងនេះអនុញ្ញាតឲ្យអតិថិជនធ្វើការតេស្តសាកល្បងនូវផលិតផល របស់ Xiaomi មុនពេលបញ្ជាទិញ។

ពីមុនមកភាគច្រើននៃផលិតផលរបស់ក្រុមហ៊ុន Xiaomi បានលក់នៅក្នុងប្រទេសឥណ្ឌាគឺអាចរកបាននៅលើបណ្ដាញ (Online) តែប៉ុណ្ណោះ។

ហាង Mi Home នឹងដាក់បង្ហាញផលិតផលរបស់ Xiaomi ទាំងអស់ រួមបញ្ចូលទាំងស្មាតហ្វូន ដុំសាកថ្ម (Power Banks), កាស, ឧបករណ៍បន្សុទ្ធខ្យល់ និងផលិតផលផ្សេងទៀតសម្រាប់ដាក់លក់ក្នុងប្រទេសឥណ្ឌា។ ក្រុមហ៊ុន Xiaomi គ្រោងបើកហាងថ្មីចំនួន ១០០ បន្ថែមទៀតនៅទូទាំងប្រទេសឥណ្ឌាក្នុងរយៈពេលពីរឆ្នាំខាងមុខ។

បច្ចុប្បន្ននេះក្រុមហ៊ុន Xiaomi មាន ៧០ ហាងនៅក្នុងប្រទេសកំណើតរបស់ខ្លួនគឺនៅប្រទេសចិន។ ហាង Mi Home នៅក្នុងប្រទេសឥណ្ឌានឹងបើកជាសាធារណៈនៅថ្ងៃទី ២០ ខែឧសភា។

ប្រភព៖ GSMarena ប្រែសម្រួល៖ ពិចិត្រ