LG ស៊ូមិនរួចទីផ្សារប្រទេសចិន អាចមិនមានវត្តមាន G6 ក្នុងប្រទេសយក្សនេះឡើយ

2017-03-15 03:16:10
ព័ត៌មាន

2017-03-15 03:16:10
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមរបាយការណ៍ចុងក្រោយបង្អស់ដែលចុះផ្សាយដោយកាសែតប្រទេសកូរ៉េខាងត្បូង Daum News បានចុះផ្សាយថា ក្រុមហ៊ុន LG នឹងមិនបញ្ចូលវត្តមាន G6 ទៅក្នុងទីផ្សារយក្សប្រទេសចិននោះឡើយ។

ប្រភពខាងលើបានបង្ហើបថា នោះអាចមកពីភាពល្បីល្បាញរបស់ LG សម្រាប់ទីផ្សារពិភពលោកនៅមានកម្រិតហើយកាលណាបើហ៊ានប្រលូកចូលទីផ្សារចិនទៀតនោះភាគច្រើនអាចនឹងបរាជ័យ។

កាលពីឆ្នាំទៅទិន្នន័យដកស្រង់ចេញពីក្រុមការងារ Strategy Analytics បានបង្ហើបថា តួលេខលក់ចេញស្មាតហ្វូន Lg ក្នុងប្រទេសចិនទទួលបានក្រោម 0.1% ទៅទៀត ជាតួលេខបរាជ័យធ្ងន់ធ្ងរបំផុតជាមួយម៉ូឌែល G5។

យ៉ាងណាមិញ ប្រភពខាងលើបានបន្ថែមទៀតថា នោះក៏អាចមកពីហេតុផលដោយសារទីផ្សារប្រទេសចិនខុសពីទីផ្សារដទៃនិយាយពីវិស័យស្មាតហ្វូន ខណៈដែលរោងចក្រផលិតស្មាតហ្វូនល្បីៗក្នុងស្រុកដូចជា Vivo, Oppo និង Huawei បានទម្លាក់តម្លៃស្មាតហ្វូនរបស់ពួកគេក្នុងតម្លៃទាបមែនទែន ដែលជាហេតុផលពិបាកឱ្យក្រុមហ៊ុនក្រៅស្រុកជ្រៀតខ្លួនចូលទីផ្សារយក្សមួយនោះ។

ប្រភព: androidheadlines

ប្រែសម្រួល៖ កៅ រក្សា