Huawei P10 Plus​ ​ដែល​ត្រូវ​ក្រុមហ៊ុន​ប្រកាស​នឹង​បង្ហាញ​ខ្លួន​នា​ថ្ងៃ​** ​២៦​ ​កុម្ភៈ​**នេះ​ ​ត្រូវ​ឃើញ​មាន​ដាក់​លក់​លើ​វេបសាយ​មួយ​របស់​ប្រទេស​អេស្ប៉ាញ​បាត់​ទៅ​ហើយ​ ជា​មួយ​តម្លៃ​ ​៧៩៩​ ​ដុល្លារ។

យោង​តាម​វេបសាយ​នោះ​ ​P10 Plus​ ​មាន​អេក្រង់​ ​៥,៥​ ​អ៊ីញ​ ​បង្ហាញ​រូបភាព​ទំហំ​ ​១៤៤០ x ២៥៦០​ ​កាមេរ៉ា​ក្រោយ​ភ្លោះ​ ​១២​ ​មេហ្គាភិចសែល​ ​អំពូល​ ​LED​ ​២​ ​គ្រាប់​ ​ហើយ​មាន​ ​RAM​ ​៨​ ​GB​ ​និង​អង្គ​ផ្ទុក​ទិន្នន័យ​ ​៥១២​ ​GB​ ​(គិត​ទាំង​ម៉ាស៊ីន​ ​និង​បន្ថែម​ ​MicroSD)។

ប្រើ​ប្រព័ន្ធ​ប្រតិបត្តិការ​ ​Android 7.0 Nougat, Huawei P10 Plus​ ​ដំណើរការ​ដោយ​បន្ទះ​ ​Chip​ ​ប្រភេទ​ ​Kirin 960 SoC​ ​ដូច​ដែល​ធ្លាប់​បំពាក់​លើ​ ​Mate 9​ ​ដែល​ជា​កំពូល​ស្មាតហ្វូន​របស់​ ​Huawei។ តាម​វេបសាយ​ដដែល​ ​P10 Plus​ ​មាន​បែក​ចែក​ជា​ច្រើន​ជម្រើស​ពណ៌​ដូច​ជា​ ​ទឹក​ប្រាក់​ ​ទឹក​មាស​ ​និង​ខ្មៅ៕