មុខងារ​មិន​ជ្រាប​ទឹក​របស់​ ​Galaxy S7 បាន​ជួយ​សង្រ្គោះ លោក​ ​Nick​ ​វ័យ​ ​២៩ ឆ្នាំ​ ​ជា​អ្នក​ជំនាញ​មេកានិច​ក្នុង​ប្រទេស​អូស្ត្រាលី​ ​និង​មិត្តភ័ក្ដិ​មួយ​ក្រុម​​​ពី​ការ​លិច​ទូក​ពេល​ទៅ​ស្ទួច​ត្រី​​លេង​នៅ​សមុទ្រ ។

​បើ​តាម​​វិបសាយ ausdroid  ដែល​បាន​សម្ភាស បុរស​ខាង​លើ​ ​និង​មិត្តភ័ក្ដិ​ ឲ្យ​ដឹង​ថា ពួកគេ​បាន​ជួប​ព្យុះ​ដែល​បណ្ដាល​ឲ្យ​ទូក​​​ក្រឡាប់​​នៅ​ក្បែរ​ឆ្នេរ​សមុទ្រ Western Port ភាគ​ខាង​ត្បូង​ប្រទេស​រដ្ឋ Victoria ប្រទេស​អូស្រ្តាលី។ ពេល​ដឹង​ថា​ទូក​កំពុង​លិច ​Nick និង​ក្រុម​ការងារ​ក៏​លោត​ពី​ទូក។

​​វិទ្យុ​ទាក់ទង​ទាំង​ឡាយ​មិន​អាច​ដំណើរការបាន តែ​រឿង​ដែល​នឹក​ស្មាន​មិនដល់​នោះ​គឺ Nick នឹក​ឃើញ​ថា​​ស្មាតហ្វូន​ ​Galaxy S7​ ក្នុង​ហោប៉ៅ​របស់​គាត់​អាច​ធន់​នឹង​ទឹក។ ​S7 របស់​ ​Nick​ ​នៅ​ប្រើ​បាន​ធម្មតា ទោះ​ត្រូវ​ទឹក​ប្រៃ​ ​ហើយ​គាត់​​ក៏​ទាញ​ទូរសព្ទ​​ចេញ​​ចុច​លេខ ០០០ ដើម្បី​ហៅ​ក្រុម​សង្រ្គោះ។

ទី​បំផុត​ក្រុម​ប៉ូលិស​រដ្ឋ Victoria និង​កង​ម៉ារីន​​សង្រ្គោះ​​​ក៏​ទទួល​បាន​ការ​ហៅ​ឲ្យ​ជួយ​ពី​ Nick ហើយ​ក្រុម​សង្រ្គោះ​ក៏​​​រក​ឃើញ​ទី​តាំង​ Nick និង​មិត្តភ័ក្តិ​ ដោយ​ប្រើ​ពេល​រហូត​ដល់​១ម៉ោង។

ក្រោយ​ពួក​គាត់​រួច​ផុត​ពី​ឧបទ្ទវហេតុ​ ​ហាង​ចែកចាយ​របស់​ ​Samsung​ ​ប្រចាំ​តំបន់​លោក​ ​Nick​ ​ក៏​បាន​ធ្វើ​ការ​ផ្លាស់ប្ដូរ​ ​S7​ ​ថ្មី​មួយ​គ្រឿង​ដល់​គាត់​ ​ទោះ​ ​S7​ ​របស់​ ​​បុរស​នេះ​នៅ​ប្រើ​បាន​ធម្មតា៕

អាន​បន្ត​ ​៖​Phone 7​/7 Plus​ ​រក​ឃើញ​ផ្ទុះ​ថ្ម​​បន្តបន្ទាប់ ខ្លះ​ធ្ងន់​ធ្ងរ​រហូត​ឆេះ​រថយន្ត

ប្រែ​សម្រួល​ ​៖​ ​រដ្ឋ​ ប្រភព​ ​៖​ ​ausdroid