កម្មវិធីបង្កើតដោយកូនខ្មែរ ត្រៀមប្រកួតប្រជែងពានរង្វាន់ ICT Award ឆ្នាំ 2016

2016-06-02 20:27:37
ព័ត៌មាន

2016-06-02 20:27:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ ICT Award ឆ្នាំ ២០១៦ កំពុងស្ថិតនៅក្នុងដំណើរការទទួលពាក្យ និងជម្រុះដើម្បីស្វែងរកកម្មវិធីលេចធ្លោដែលបានដាក់ចូលរួមប្រកួតប្រជែង។ កម្មវិធីជាច្រើនបានចូលរួមប្រកួតប្រជែងពានរង្វាន់ ICT Award ឆ្នាំ ២០១៦ មានតាំងមកពីស្ថាប័នរដ្ឋ ឯកជន អង្គការសង្គមស៊ីវិល ក៏ដូចជាពីសិស្សនិស្សិត។

ខាងក្រោមជាកម្មវិធីមួយចំនួន ដែលបានចូលរួមការប្រកួតប្រជែងកម្មវិធី ICT Award និងរង់ចាំការរវាយតម្លៃពីគណៈកម្មាធិការដើម្បីជាប់ក្នុងវគ្គជម្រុះនិងឈានជាប់ជយលាភីក្នុងកម្មវិធី។

១) ក្ដារចុចលក្ខណះខ្មែរ Khmerism បង្កើតឡើងដោយ លោក ភួយ លីហេង។ ក្ដារចុចថ្មីនេះ មានព្យញ្ជនះនិងស្រះនៅដាច់ដោយឡែកពីគ្នា កាត់បន្ថយការប្រើ Shift ច្រើនហើយមានភ្ជាប់ Font Khmer Unicode មកជាមួួយផង។

២) កម្មវិធីកក់សំបុត្ររថយន្តក្រុងតាមអនឡាញ បង្កើតឡើងដោយ លោក ជា ឡង់ដា និងក្រុមការងារគម្រោង Bookmebus ដែលជាកម្មវិធីសម្រាប់កក់សំបុត្រឡានក្រុង ២៤ ម៉ោងមានរថយន្តក្រុងច្រើនជម្រើស និងមានលេខទំនាក់ទំនងស្រាប់។

៣) កម្មវិធីចំណតក្បែរខ្ញុំ (Stop Near Me) ជាកម្មវិធីថ្មីសម្រាប់អ្នកដែលចូលចិត្តធ្វើដំណើរតាមរថយន្តក្រុង សាធារណះ។ កម្មវិធីនេះបង្កើតដោយកញ្ញា ប្លុង ម៉ាលីពណ៌ ជាសាស្ត្រាចារ្យបង្រៀននៅសាកលវិទ្យាល័យភូមិន្ទភ្នំពេញ ដែលគោលបំណងចម្បងរបស់កម្មវិធីនេះគឺជួយដោះស្រាយបញ្ហាពិបាករកចំណតឡានក្រុង និងការសម្រួលអ្នកដែលចូលចិត្តធ្វើដំណើរតាមរថយន្តក្រុងអាចស្វែងរកចំណតបានកាន់តែងាយស្រួល។

៤) កម្មវិធីខ្មែររៀនអាន(Khmer Rean An) បង្កើតឡើងដោយលោក ញឺម រ៉ូណាល់ និងក្រុមការងារ Aide et Action International ដែលជាកម្មវិធីសម្រាប់ជួយកុមារឱ្យអភិវឌ្ឍន៍បំណិនអានបានយ៉ាងច្រើន និងមានជារូបភាពឱ្យកុមារងាយស្រួលចងចាំ។