Lumia 730 ចេញហើយតម្លៃនៅខ្មែរទាបជាងថៃតែប្រជែងវៀតណាម

2014-10-21 16:16:46
ព័ត៌មាន

2014-10-21 16:16:46
ចំនួនមតិ 0 | ចំនួនចែករំលែក 0

ចន្លោះមិនឃើញ

Lumia 730 ដែលកំពុងដាក់លក់នៅតាមបណ្ដាប្រទេសនានា បានមកដល់ទីផ្សារប្រទេសកម្ពុជាជាមួយតម្លៃលក់គួរឲ្យចាប់អារម្មណ៍។

លោក អ៊ី សុគន្ធ ប្រធានទំនាក់ទំនងក្រុមហ៊ុន Microsoft ប្រចាំនៅកម្ពុជាបានឲ្យដឹងថា Lumia 730 ទើបតែមកដល់ទីផ្សារប្រទេសកម្ពុជាកាលពីពេលថ្មីៗនេះ។ លោកថា Lumia 730 សម្រាប់ទីផ្សារស្រុកខ្មែរតម្លៃប្រហែល ២៥៣ ដុល្លារទាបជាងទីផ្សារស្រុកថៃដែលលក់ក្នុងតម្លៃប្រហែល ២៧០ ដុល្លារ តែខ្ពស់ជាងនៅវៀតណាម ដែលលក់ក្នុងតម្លៃជាង ២៤០ ដុល្លារ។

Lumia 730 ជាសែស្រឡាយថ្មីមួយទៀតរបស់ត្រកូល Lumia។ លក្ខណៈគួរឲ្យចាប់អារម្មណ៍របស់ Lumia 730គឺការរចនាកាមេរ៉ា ដោយសារវាបានបំពាក់កាមេរ៉ាមុខដល់ទៅទំហំ 5MP ត្រូវចិត្តអ្នកដែលចូលចិត្តការថត Selfie បានច្បាស់ល្អ រួមទាំងកាមេរ៉ាក្រោយទំហំ 6.7 MP។ Lumia ស៊េរីថ្មីនេះអាចប្រើស៊ីមពីរ ជាមួយការរំលេចពណ៌ដ៏ស្រស់ឆើតឆាយជាច្រើនជម្រើស។

Lumia 730 ក៏បានបំពាក់ CPU quad-core (Qualcomm Snapdragon 400 ) ទំហំ 1.2 GHz, Ram ទំហំ 1GB និងអង្គចងចាំ 8GB ជាមួយថាមពលថ្ម 2000 mAh ។ Lumia 730 ប្រតិបត្តិការជាមួយ Windows Phone 8.1 ដែលអាចអាននិងសរសើរអក្សរខ្មែរបានយ៉ាងងាយស្រួល។

លោក អ៊ី សុគន្ធបានបន្តថា អតិថិជនដែលចាប់អារម្មណ៍អាចរកទិញ Lumia ស៊េរីថ្មីនេះនៅតាម Nokia Store និងតាមបណ្តាហាងមួយចំនួនទៀតនៅទូទាំងប្រទេស។

សម្រាប់ព័ត៌មានបន្ថែម អាចទំនាក់ទំនងក្រុមហ៊ុន Microsoft តាមលេខទំនាក់ទំនង 077 555 689៕

ប្រិយមិត្តយល់បែបណាដែរពី Lumia 730 ស៊េរីថ្មីនេះ?

បន្តអាន៖ ទូរសព្ទទាំង៦ ដែលមានតម្លៃរាប់លានដុល្លារ…..

បន្តអាន៖ មាន ៣ ទៅ ៤ ពាន់ដុល្លារចង់បើកហាងទូរសព្ទមួយទៅរួចទេ….

អត្ថបទ៖ ប៊ុណ្ណារ៉ា