Land Cruiser ស៊េរី ០១៦ ផ្លាស់ប្តូររូបរាងថ្មីតម្លៃជាង ១៥ ម៉ឺនដុល្លារ

2015-10-29 19:58:17
ផលិតផលថ្មី

2015-10-29 19:58:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនតូយ៉ូតា បានប្រកាសលក់ជាផ្លូវការរថយន្ត Land Cruiser ស៊េរីថ្មីឆ្នាំ ២០១៦ សម្រាប់ទីផ្សារប្រទេសកម្ពុជា។ Land Cruiser ដែលជាប្រភេទរថយន្តមានប្រជាប្រិយភាពសម្រាប់អ្នកជំនួញ និងមន្រ្តីជាន់ខ្ពស់ក្នុងស្ថាប័នរដ្ឋធំៗ មានការផ្លាស់ប្តូររូបរាងនិងអភិវឌ្ឍបច្ចេកវិទ្យាថ្មីៗជាច្រើន។

Land Cruiser ស៊េរីថ្មីនេះបំពាក់ជាមួយម៉ាស៊ីនម៉ាស៊ូត 4.5L កម្លាំង 4461 cc មាន ៦ លេខ។ ចំណុចពិសេសៗមានដូចជា ចង្កៀងមុខ Projector Halogen ចំនួន ៤ ដែលអាចបំភ្លឺភ្លើងបានច្បាស់ជាមួយមុខងារតម្លើងភ្លើងហ្វា/កូដស្វ័យប្រវត្តិនិងរេតាមចង្កូត។ យ៉ាន់កង់រចនាលក្ខណៈស្ព័រថ្មី និងកញ្ចក់បង្អួចគ្រប់ទ្វារនិងដំបូលខាងលើត្រូវបានភ្ជាប់ជាមួយប្រព័ន្ធបញ្ជាដោយស្វ័យប្រវត្តិជាមួយការបន្ថែមមុខងារការពារការគាបយ៉ាងពិសេសផងដែរ។

នៅផ្នែកខាងក្នុងធំទូលាយ កៅអីអ្នកបើកបរអាចធ្វើការកំណត់និងលៃដៃចង្កូតទៅតាមចំណង់ចំណូលចិត្ត។ ប្រព័ន្ធកម្សាន្ត DVD Touch Screen រចនាឡើងថ្មីជាមួយឧបករណ៍បំពងសំលេង JBL ចំនួន ១៤ និងប្រព័ន្ធកម្សាន្ត LCD Monitor ចំនួន ២ ក៏ត្រូវបានបំពាក់បន្ថែមនៅខាងក្រោយកៅអីអ្នកបើកបរ និងអ្នកដំណើរខាងមុខ។