Toyota ប្រកាស Lexus LX 570 ស៊េរី ០១៦ កក្រើកទីផ្សារទៀតហើយ!

2015-08-16 16:18:12
ព័ត៌មាន

2015-08-16 16:18:12
ចំនួនមតិ 0 | ចំនួនចែករំលែក 0

ចន្លោះមិនឃើញ

Lexus LX 570 ស៊េរី ២០១៦ ដែលបានលេចរូបរាងកាលពីសប្ដាហ៍កន្លងទៅ ពេលនេះត្រូវបានប្រកាស ដែលធ្វើឱ្យបណ្ដាអ្នកនិយមរថយន្តម៉ូដែលរបស់ក្រុមហ៊ុន Toyota មួយនេះ រឹតតែរំជើបរំជួលព្រោះតែរូបរាងថ្មីប្លែករបស់វា។

កាងខាងមុខរបស់ LX 570 ម៉ូដែលថ្មីនេះមានរាងប្លែកពីស៊េរីមុន ដោយត្រូវបានរចនាជាលក្ខណៈសំណាញ់ ដែលមើលទៅស្រដៀងគ្នាទៅនឹង Lexus RX ស៊េរី ០១៦ ដែរ។ ចង្កៀងមុខទាំងសងខាងរបស់វាប្រភេទ LED មានរាងបញ្ឈរ ដែលធ្វើឱ្យផ្នែកមុខទាំងមូលនៃរថយន្តនេះរឹតតែមានទាក់ទាញនិងស៊ីវិល័យ រីឯតាប្លូខាងក្នុងបំពាក់ដោយផ្ទាំង Touchscreen សម្រាប់ផ្តល់ព័ត៌មានផ្សេងៗទំហំ ១២,៣អ៊ីញ។

បច្ចេកវិទ្យាទំនើបដែលបានបំពាក់លើម៉ូដែល LX 570 នេះមានដូចជា កាមេរ៉ាក្រោយប្រភេទ Panorama (Panoramic Rearview Camera) ដែលអាចឱ្យអ្នកបើកបរមើលឃើញទិដ្ឋភាពនៅខាងក្រោយរថយន្តបានយ៉ាងធំទូលាយ និងងាយស្រួល និង Driving Mode ពិសេសចំនួន ៤ (Eco, Comfort, Sport S និង Sport S+ ) សម្រាប់ពិនិត្យមើលស្ថានការណ៍ម៉ាស៊ីន ក៏ដូចជាបូមរថយន្តជាដើម។

LX 570 ដែលទើបតែបានប្រកាសនេះ បំពាក់ដោយម៉ាស៊ីន V8 ទំហំ 5.7លីត្រ និងកម្លាំងម៉ាស៊ីនដល់ទៅ ៣៨៣សេស។ យ៉ាងណាក៏ដោយ ចំពោះតម្លៃរបស់ LX 570 ថ្មីនេះពុំទាន់មានការបញ្ជាក់ជាផ្លូវការណាមួយនៅឡើយទេ តែវាអាចនឹងមានតម្លៃលើសស៊េរីមុនបន្តិច (៨៣ ០០០ដុល្លារ សម្រាប់ម៉ូដែល LX 570 ស៊េរី ០១៥) ហើយនឹងដាក់លក់លើទីផ្សារនៅខែតុលាខាងមុខនេះ៕