Samsung ចេញកាលបរិច្ឆេទលក់ Note 4 នៅអង់គ្លេសថ្ងៃ ១០ តុលា

2014-10-01 17:41:17
ព័ត៌មាន

2014-10-01 17:41:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រីមាសទី ៤ ជារៀងរាល់ឆ្នាំ ជាពេលវេលាដ៏ក្ដៅគគុកដែលក្រុមហ៊ុនបច្ចេកវិទ្យាធំៗក្នុងលោក ប្រញាប់បញ្ចេញផលិតផលកំពូលរបស់ខ្លួន។ ជាក់ស្ដែងក្រោយ Apple បញ្ចេញលក់ iPhone 6/ 6 Plus ពេលនេះ Samsung ក៏កំពុងប្រញាប់បញ្ចេញលក់ Galaxy Note 4 ដែលជាគូប្រជែងដ៏សំខាន់របស់ iPhone ជំនាន់ក្រោយទាំងពីរម៉ូដែលឲ្យលឿនតាមដែលអាចធ្វើបាន។ តាមសម្ដីអ្នកនាំពាក្យរបស់ Samsung ឲ្យដឹងថា ក្រុមហ៊ុនបច្ចេកវិទ្យាយក្សកូរ៉េខាងត្បូងនេះបានកំណត់ថ្ងៃទី ១០ តុលាខាងមុខជាពេលវេលាបញ្ចេញលក់ Note 4 ជាផ្លូវការនៅអង់គ្លេស ខណៈពេលនេះហាងលក់បន្តធំៗកំពុងទទួលការកុម្ម៉ង់របស់អតិថិជន។

រាល់ដង Samsung តែងទទួលការរិះគន់ចំពោះការបញ្ចេញលក់ Smartphone របស់ខ្លួនយឺតក្រោយពេលប្រកាសបង្ហាញជាផ្លូវការ។ តែការបញ្ជាក់កាលបរិច្ឆេទលក់នៅថ្ងៃទី ១០ តុលាខាងមុខនេះបានបង្ហាញឲ្យគ្រប់គ្នាដឹងច្បាស់ថា Samsung បានពន្លឿនការបញ្ចេញលក់លឿនជាងរាល់ឆ្នាំ ហើយនេះប្រហែលអាចមកពីមូលហេតុពីរទី ១គឺមកពីការលក់ Galaxy S5 របស់ខ្លួនមិនសូវបានកាក់កបដូចការរំពឹងទុក និងមួយទៀតគឺចេញឲ្យលឿនដើម្បីប្រជែងនឹង iPhone 6/ 6 Plus របស់ Apple ក៏ដូចជាបញ្ចេញឲ្យបានមុនក្រុមហ៊ុនល្បីៗដទៃទៀតបញ្ចេញ Smartphone កំពូលពួកគេ។

ចាំមើល៍ តើការបញ្ចេញលក់ Galaxy Note 4 ដែលមានអេក្រង់ ៥,៧ អ៊ីញរបស់ Samsung នេះអាចជួយ Samsung ឲ្យឡើងលើវិញឬយ៉ាងណា?

អាន៖ អ្នកមានបំផុតនៅចិន Jack Ma ចែករំលែកដំបូន្មានដើម្បីជីវិតជោគជ័យ

ប្រែសម្រួល៖ សីហា ប្រភព៖ trustedreviews