ទូរស័ព្ទម៉ូដែលថ្មី ពីក្រុមហ៊ុន Apple ដែលប្រិយមិត្តគ្រប់គ្នាទន្ទឹងរង់ចាំនោះ គឺ iPhone SE4 បន្ទាប់ពីបានបញ្ចេញ ស៊េរី iPhone 16 រួចមក។ ប៉ុន្តែម្តងនេះ Apple ត្រូវបានគេសន្និដ្ឋានថា នឹងមិនដាក់ឈ្មោះ SE ទៅលើ ស៊េរី ទូរស័ព្ទលំដាប់ថវិការ របស់ខ្លួនទៀតនោះទេ។

iPhone SE4 អាចនឹងមានឈ្មោះថ្មីជា iPhone 16E ដោយ Apple គ្រោងនឹងបញ្ចេញលក់ក្នុងឆ្នាំ ២០២៥នេះ។ ទូរស័ព្ទនេះ មានរូបរាង design ស្រដៀងទៅនឹង iPhone 14 ជាមួយ អេក្រង់ប្រភេទ OLED display ហើយក៏មានបំពាក់ ប៊ូតុង Action Button ផងដែរ។ ចំណែកពណ៌របស់វា មាន ២ជម្រើស គឺ ពណ៌ស និង ពណ៌ខ្មៅ។ យ៉ាងណាមិញ កាមេរ៉ាខាងក្រោយរបស់វា មានតែមួយគ្រាប់ប៉ុណ្ណោះ ទំហំ ៤៨ Megapixel។

កាលពី Apple បញ្ចេញ SE ជំនាន់ទី១ គឺវាមានរូបរាងដូចទៅនឹង iPhone 5s ហើយជំនាន់ទី២ មានរូបរាង ដូច iPhone 8។ ចំណែក ជំនាន់ទី ៣ រូបរាងក៏នៅមិនទៅណាឆ្ងាយពី iPhone 8 ដែរ។ គួរឱ្យដឹងថា iPhone SE ជាស៊េរីទូរស័ព្ទ ដែល Apple ផលិតមកមានតម្លៃទាបជាងម៉ូដែល iPhone ដទៃទៀត។ រូបរាងរបស់វា គឺដូចគ្នាទៅស៊េរីចាស់ៗ ប៉ុន្តែអ្វីដែលខុសនោះ គឺកម្លាំងម៉ាស៊ីនខាងក្នុង ដែល Apple បំពាក់មក ជាមួយ Chip ជំនាន់ថ្មីរបស់ខ្លួន៕