![](http://cdn.sabay.com/cdn/media.sabay.com/media/Samphy-2024/June(4)/Week(15)/666c0254dee7d_1718354460_medium.jpg)
- 2024-06-14 08:45:11
- ផលិតផលថ្មី
ឡានអគ្គិសនីថ្មីរបស់ MG ប្រភេទ MPV ៧កៅអី ចេញលក់នៅថៃតម្លៃជិត ៥ម៉ឺនដុល្លារ
- 2024-06-14 08:45:11
- ចំនួនមតិ 0 | ចំនួនចែករំលែក 0
ឡានអគ្គិសនីថ្មីរបស់ MG ប្រភេទ MPV ៧កៅអី ចេញលក់នៅថៃតម្លៃជិត ៥ម៉ឺនដុល្លារ
ចន្លោះមិនឃើញ
ក្រុមហ៊ុន MG បានបញ្ចេញលក់ផ្លូវការរថយន្តអគ្គិសនីថ្មី MAXUS 7 ដែលជាប្រភេទ MPV ៧កៅអី នៅក្នុងប្រទេសថៃ តម្លៃជាង ៤៨០០០ដុល្លារ។
សម្រាប់ផ្នែកខាងមុខរថយន្ត ប៉ាណាត្រូវបានដាក់បន្ទាបនៅខាងក្រោម ចង្កៀងរាងបញ្ឈរប្រភេទ LED និងមានអំពូលបំភ្លឺពេលថ្ងៃ។ វាមានប្រវែង ៤៩០៧មម ទទឹង ១៨៨៥មម កម្ពស់ ១៧៦៨មម ប្រវែងពីកង់មុខទៅកង់ក្រោយ ២៩៧៥មម ខណៈយ៉ាន់កង់ alloy ទំហំ ១៨អ៊ីង។
ផ្នែកខាងក្នុងរថយន្តនេះ មានដៃចង្កូតស្រោបដោយស្បែកអាចសារ៉េបាន ៤របៀប និងអេក្រង់ឆ្លាតវៃឌីជីថល ១២,៣អ៊ីង។ កៅអីតៃកុងអាចសារ៉េបាន ៦ របៀប និងកៅអីអ្នកដំណើរខាងមុខសារ៉េបាន ៤របៀប។ ទ្វារសងខាងរថយន្ត ជាទ្វារស្លាយ, មានដំបូល panoramic sunroof, សាកថ្មឥតខ្សែ, speaker ៨គ្រាប់ និងប្រព័ន្ធម៉ាស៊ីនត្រជាក់មុខក្រោយជាដើម។
រថយន្ត MG MAXUS 7 បំពាក់ម៉ូទ័រ Permanent Magnet Synchronous មានកម្លាំង ២៤៥សេះ និងកម្លាំងរមួល ៣៥០ញូតុនម៉ែត្រ។ អាគុយរបស់វាមានទំហំ ៩០គីឡូវ៉ាត់ម៉ោង ពេលសាកពេញ អាចធ្វើដំណើរបានដល់ ៥៧០គីឡូម៉ែត្រ។
ជាមួយគ្នានេះ រថយន្ត MPV ខាងលើ ក៏បានបំពាក់ប្រព័ន្ធសុវត្ថិភាពជាច្រើនផងដែរ៕