ឃើញមុខងាររបស់ iOS 17 ហើយ ច្បាស់ជាឆ្លេឆ្លារក WiFi ដើម្បីដំឡើងជាក់ជាមិនខាន

2023-09-19 03:06:39
ព័ត៌មាន

2023-09-19 03:06:39
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ ក្រុមហ៊ុន Apple បានបញ្ចេញផ្លូវការហើយប្រតិបត្តិការជំនាន់ថ្មី iOS 17 ដែលបំពាក់មុខងារពិសេសថ្មីៗជាច្រើនគួរឱ្យចាប់អារម្មណ៍មែនទែន។ តែយ៉ាងណាក៏គួរសោកស្តាយផងដែរសម្រាប់ iPhone ស៊េរីចាស់ៗ ព្រោះថា ស្មាតហ្វូនដែលអាចដំឡើង iOS 17 គឺចាប់ពី iPhone XR មកដល់ iPhone 15 រួមទាំង iPhone SE ចាប់ពីជំនាន់ទី២មក។

ខាងក្រោមនេះ គឺជាមុខងារសំខាន់ៗចំនួន ១០ ដែលមកជាមួយ iOS 17៖

១. StandBy: វាបង្ហាញអេក្រង់ពេញតែម្តងងាយស្រួលឱ្យអ្នកប្រើប្រាស់ មើលឃើញពេលដាក់នៅឆ្ងាយពីខ្លួន ឬដាក់នៅចំហៀង ឬកំពុងសាកថ្មជាដើម។ ផ្ទៃ interface របស់មុខងារនេះ អាចកំណត់បង្ហាញជាម៉ោង ប្រតិទិន រូបថត ព្យាករណ៍អាកាសធាតុ ចាក់ចម្រៀង Widget និងផ្សេងៗ។

២. Contact Posters: iOS 17 អនុញ្ញាតឱ្យអ្នកប្រើប្រាស់អាចបង្កើតជារូប Poster ដែលវានឹងបង្ហាញក្នុងអំឡុងពេលមាននរណាម្នាក់ខលចូលមក។ រូប Poster នេះ អាចដាក់ជារូបថតក៏បាន ឬរូប Memoji ក៏បានហើយពណ៌ font និង background ក៏អាចកំណត់បានផងដែរ។

៣. NameDrop: មុខងារនេះ គឺមានភាពងាយស្រួលសម្រាប់អ្នកប្រើប្រាស់ក្នុងការចែករំលែកព័ត៌មានពីឈ្មោះលេខទូរសព្ទ ឬអ៊ីម៉ែលដែលបានរក្សាទុក ទៅកាន់ iPhone មួយទៀត ដោយគ្រាន់តែដាក់ស្មាតហ្វូនទាំងពីរជាប់គ្នា។

៤. Live Voicemail: មុខងារនេះផ្តល់ការកត់ត្រានៅម៉ោងជាក់លាក់លើអេក្រង់ ខណៈមាននរណាម្នាក់បានផ្ញើ Voicemail មក។

៥. Swipe to Reply in iMessage: ប្រសិនបើមានអ្នកផ្ញើសារតាមកម្មវិធី Messages មក គឺលោកអ្នកគ្រាន់តែគ្រវាសលើអេក្រង់ទៅខាងស្តាំលើសារណាមួយ នឹងចូលដល់កន្លែងឆាតនោះផ្ទាល់តែម្តង។

៦. Interactive Widgets: មុខងារនេះ គឺមាននៅលើ iPhone ទាំង Home Screen, Lock Screen និង StandBy View ថ្មី។

៧. Improved Autocorrect: ប្រព័ន្ធប្រតិបត្តិការនេះ កាន់តែមានភាពវៃឆ្លាតក្នុងការជួយកែអក្ខរាវីរុទ្ធឱ្យកាន់តែល្អប្រសើរឡើង។ លើសពីនេះ វាក៏អាចផ្តល់បង្ហាញពាក្យ ឬប្រយោគមកស្រាប់នូវអ្វីដែលយើងសរសេរទៀតផង។

៨. Apple Maps Offline: iOS 17 មានសមត្ថភាពអាចឱ្យអ្នកប្រើប្រាស់ដោនឡូតទុកទីតាំងណាមួយក្នុង Map សម្រាប់ប្រើប្រាស់ពេលគ្មានអ៊ីនធើណែត។

៩. Stickers Drawer: iOS 17 ផ្តល់ឱ្យការប្រើប្រាស់ Sticker ទាំងអស់ ដោយរួមមាន Live Stickers, emoji, Memoji និង iMessage sticker នៅកន្លែងតែមួយ។ ចំពោះ Live Stickers អាចត្រូវបានបង្កើតដោយការថាច់ និង hold ចំណុចណាមួយលើរូបភាពដូចជារូបឆ្មា ឬឆ្កែ ជាដើម។