• 2022-09-28 04:28:23
  • ហាងឆេងផលិតផល

ក្រុមហ៊ុន SMART AXIATA ផ្តល់ការថែមជូនពិសេសជាច្រើន ហើយរំពឹងថាមានតម្រូវ​ការ​ធំសម្បើម​សម្រាប់ទូរសព្ទស៊េរីថ្មី iPhone 14

  • 2022-09-28 04:28:23
  • ចំនួនមតិ 0 | ចំនួនចែករំលែក 0

ចន្លោះមិនឃើញ

រាជធានីភ្នំពេញ ថ្ងៃទី ២៨ ខែកញ្ញា៖ ក្រុមហ៊ុន Smart Axiata ដែលជាប្រតិបត្តិករទូរសព្ទឈានមុខគេរបស់ប្រទេសកម្ពុជា រំពឹងថានឹងមានតម្រូវការធំសម្បើមនូវទូរសព្ទស៊េរីថ្មី iPhone 14 ជាពិសេសពីសំណាក់អតិថិជនរាប់លាននាក់​ ដែលកំពុងគាំទ្រសេវាកម្មរបស់ក្រុមហ៊ុន Smart នៅក្នុង ព្រះរាជាណាចក្រកម្ពុជា។

ទូរសព្ទស៊េរីថ្មី iPhone 14 រួមមាន iPhone 14, iPhone 14 Pro និង iPhone 14 Pro Max ​ដែលជាផលិតផលទទួល បានការចាប់អារម្មណ៍ខ្លាំងនៅកម្ពុជា នឹង​មាន​លក់​នៅហាង Smart Shop សាខាមុនីវង្ស សាខា Phnom Penh Center និង សាខា AEON Mall នៅទីក្រុងភ្នំពេញ ចាប់​ពី​ថ្ងៃ​ទី ២៨ ខែ​កញ្ញា​ត​ទៅ។

ក្នុងនាមជាម៉ាកយីហោរឌីជីថលឈានមុខគេរបស់ព្រះរាជាណាចក្រកម្ពុជាតាមរយៈការផ្ដល់សេវាកម្ម និងកម្មវិធីកំសាន្ដលក្ខណៈស៊ីវិល័យប្រកបដោយភាពច្នៃប្រឌិតជាច្រើន ក្រុមហ៊ុន Smart Axiata មានទំនួលខុសត្រូវក្នុងការនាំយកផលិតផល និងបច្ចេកវិទ្យាថ្មីចុងក្រោយ​សម្រាប់ផលចំណេញរបស់អតិថិជនរបស់ក្រុមហ៊ុន ហើយជាឧទាហរណ៍សម្រាប់ករណីនេះគឺ ទូរសព្ទសេរ៊ីថ្មី iPhone 14។

លោក Feiruz Ikhwan នាយកប្រតិបត្តិស្តីទីរបស់ក្រុមហ៊ុន Smart Axiata មាន​ប្រសាសន៍​ថា៖ «យើងពិតជារំភើប ក្នុងការនាំយកទូរសព្ទស៊េរីថ្មី iPhone 14 សម្រាប់អតិថិជនរបស់យើង។ ពួកយើងតែងតែខិតខំផ្តល់ជូនអតិថិជនរបស់ យើងនូវគុណភាព និងបច្ចេកវិទ្យាជឿនលឿននៃបណ្តាញទូរសព្ទ ក៏ដូចជានាំមកនូវនវានុវត្តន៍ថ្មី និងបច្ចេកវិទ្យាទំនើប ទាន់សម័យ ផលិតផល និងកម្មវិធីកំសាន្ដលក្ខណៈស៊ីវិល័យប្រកបដោយភាពច្នៃប្រឌិតជាច្រើនសម្រាប់អតិថិជន របស់យើង។ យើងបន្តពង្រីកភាពជាដៃគូអន្តរជាតិជាមួយក្រុមហ៊ុនកំពូលលំដាប់ថ្នាក់ពិភពលោក ដើម្បីធានាថា អតិថិជន របស់យើងអាចប្រើប្រាស់ និងទទួលបានបទពិសោធបច្ចេកវិទ្យា និងនិន្នាការពិភពលោក​ចុងក្រោយបង្អស់​ដូចជា ទូរសព្ទស៊េរីថ្មី iPhone 14 ជាដើម»។

ទំហំ ពណ៌ និង​ តម្លៃលម្អិតរបស់ iPhone 14 ស៊េរីថ្មី មានដូចខាងក្រោម៖

  • iPhone 14 មាន 3 ពណ៌ គឺពណ៌ស ស្វាយ និងខៀវ ទំហំ 128GB លក់ក្នុងតម្លៃ 998 ដុល្លារសហរដ្ឋអាមេរិក និងទំហំ 256GB លក់ក្នុងតម្លៃ 1,158 ដុល្លារសហរដ្ឋអាមេរិក។
  • iPhone 14 Pro មាន 2 ពណ៌ គឺពណ៌ខ្មៅ និងស្វាយងងឹត ទំហំ 128GB លក់ក្នុងតម្លៃ 1,258 ដុល្លារសហរដ្ឋអាមេរិក ទំហំ 256GB លក់ក្នុងតម្លៃ 1,398 ដុល្លារសហរដ្ឋអាមេរិក និងទំហំ 512GB លក់ក្នុងតម្លៃ 1,658 ដុល្លាសហរដ្ឋអាមេរិក។ iPhone 14 Pro Max មាន​ 4 ពណ៌ គឺពណ៌ ខ្មៅ ប្រាក់ ស្វាយងងឹត និងមាស ទំហំ 128GB លក់ក្នុងតម្លៃ 1,398 ដុល្លារសហរដ្ឋអាមេរិក ទំហំ 256GB លក់ក្នុងតម្លៃ 1,538 ដុល្លារសហរដ្ឋអាមេរិក ទំហំ 512GB លក់ក្នុងតម្លៃ 1,758 ដុល្លារសហរដ្ឋអាមេរិក និងទំហំ 1TB លក់ក្នុងតម្លៃ 1,998 ដុល្លារសហរដ្ឋអាមេរិក។

អតិថិជនអាចទិញទូរសព្ទស៊េរីថ្មី iPhone 14 ដោយធ្វើការបង់ប្រាក់ផ្តាច់ភ្លាមៗ ឬធ្វើការបង់រំលស់ប្រចាំខែ។ ហើយអតិថិជនដែលទិញ ទូរសព្ទស៊េរីថ្មី iPhone 14 នឹងទទួលបានកាដូរឥតគិតថ្លៃ និងការផ្តល់ជូនពិេសសជាច្រើនដូចជា៖

  • ក្បាលឆ្នាំងសាកថ្មប្រភេទ USB-C
  • ខ្សែសាកថ្ម MagSafe
  • អុីស៊ីម (eSIM) ប្រភេទ Smart Bronze (តម្លៃ 54 ដុល្លារ)
  • ​ទិន្នន័យលេងអុីនធើណែត 4GB ក្នុង​មួយ​ខែ ​រយៈពេល 12 ខែដោយឥតគិតថ្លៃ

លោកស្រី Mila Kusheva ប្រធានផ្នែកទីផ្សាររបស់ក្រុមហ៊ុន Smart Axiata បាននិយាយថា៖ «ទូរសព្ទស៊េរី iPhone 14 គឺជារចនាបទ និងនិន្នាការថ្មីសម្រាប់អតិថិជនក្នុងការបង្ហាញពីភាពស៊ីវិល័យ និងទំនើបរបស់ខ្លួន។ ដូចរាល់ពេលដែល បើកលក់ទូរសព្ទ iPhone សេ៊រីមុនកន្លងមកដែរ ពួកយើងតែងតែខិតខំប្រឹងប្រែងត្រៀមខ្លួនយ៉ាងមមាញឹក ដើម្បីនាំយក ផលិតផលលក្ខណៈស៊ីវិល័យប្រកបដោយភាពច្នៃប្រឌិតមួយនេះ បូករួមនឹងការផ្តល់ជូនអត្ថប្រយោជន៍ជាច្រើនមកជូនអតិថិជនភ្លាមៗបន្ទាប់ពីការបើកលក់ជាផ្លូវការនៅលើពិភពលោក»។

សម្រាប់ព័ត៌មានបន្ថែមអំពីសេវាកម្ម និងផលិតផលថ្មីៗចុងក្រោយបំផុតរបស់ក្រុមហ៊ុន Smart Axiata សូមចូលទៅកាន់គេហទំព័រ www.smart.com.kh។

អំពីក្រុមហ៊ុន Smart

ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុនគេក្នុងព្រះរាជាណាចក្រកម្ពុជា។ បច្ចុប្បន្ន​ក្រុមហ៊ុនបាននិងកំពុងបម្រើអតិថិជនចំនួន ៧.៥ លាននាក់ ស្ថិតក្រោមស្លាកសញ្ញា “Smart”។ Smart Axiata គឺជា​ក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុន​ផ្ដល់​សេវា​ទូរគមនាគមន៍​ធំជាងគេបង្អស់មួយក្នុងទ្វីបអាស៊ី។

ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើប ទាន់​សម័យក្នុ​ងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវា បច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង 4G LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បង បច្ចេកវិទ្យា​ជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។ ក្រុមហ៊ុន Smart ក៏មានផ្ដល់នូវបច្ចេកវិទ្យាទូរសព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង3.75G ក៏ដូចជាសេវាកម្មទូរសព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាន​និង​កំពុង​ផ្តល់​សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% (កៅសិបប្រាំបួន) ភាគរយ នៅទូរទាំងព្រះរាជាណាចក្រកម្ពុជា។

ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្ត លក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPay សេវា Pleng by Smart សេវា Pi Pay និងសេវា SmartNas។ ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្ត បំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធី និរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។

ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួម​បញ្ចូលទាំង​និយោជិត​ក្នុង​ស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យ​ជីវិត​កាន់តែ​ប្រសើរឡើង។ Smart ជីវិតរស់រវើក!

មតិយោបល់