បណ្ដាញទូរទស្សន៍រដ្ឋ រុស្ស៊ី ដូចជាប៉ុស្ដ៍ Russia 24, Channel One និង Moscow 24 ត្រូវបានក្រុមវាយប្រហារតាមអ៊ឺនធើណិត​ Hacker រំខានមិនអាចឲ្យបើកមើលបានស្រួលចិត្តទេ ពួកគេហេគចូលចាក់ផ្សាយបទភ្លេងជាតិ បង្ហោះអក្សរពេញអេក្រង់ និងបង្ហាញពីទិដ្ឋភាពពលរដ្ឋ​អ៊ុយក្រែនកំពុងរងទុក្ខសោក។

ចំពោះកម្មវិធី Netflix និង Tik Tok ក៏ប្រកាសផ្អាកសេវាកម្មរបស់ខ្លួននៅក្នុងប្រទេស រុស្ស៊ី។ Netflix សម្រេចបិទសេវាកម្ម វីឯ Tik Tok បិទមិនឲ្យពលរដ្ឋរុស្ស៊ីបង្ហោះវីដេអូថ្មីៗបានទៀតឡើយ។

រឿងលុយកាក់វិញ ក្រុមហ៊ុន Master Card , VISA និងធនាគារធំៗប្រកាសផ្អាកនិងបិទសេវាកម្មអស់គ្មានសល់។ ពេលនេះពួកគេត្រូវបង្ខំចិត្តប្រើសេវាកម្ម​ធនាគាររបស់ប្រទេសចិន។ គិតមកទល់ពេលនេះពលរដ្ឋរុស្ស៊ី មានតែ Telegram មួយគត់មិនទាន់បិទសេវាកម្ម។ ក្រៅពីនោះ Facebook, YouTube, Google, TikTok, Netflix និង Amazon ប្រកាសផ្អាកសេវាកម្មអស់ហើយ៕

ប្រែសម្រួលដោយ៖ រក្សា