ក្រុមហ៊ុន Mazda បាន​បញ្ចេញ​ជាផ្លូវការ​នូវរថយន្ត​ថ្មី​របស់ខ្លួន ម៉ូដែល Carol ជំនាន់ទី៨ ដែល​ជាកូនភ្លោះ​នឹង​រថយន្ត Suzuki Alto។

Mazda Carol មាន​ប្រវែង ៣៣៩៥មម ទទឹង ១៤៧៥មម កម្ពស់ ១៥២៥មម និងមានគម្លាតពីកង់មុខទៅកង់ក្រោយ ២៤៦០មម។

រថយន្ត​នេះ​មាន ៣ option គឺ GL, Hybrid GS និង Hybrid GX។

-option GL៖ ប្រើម៉ាស៊ីនសាំង ៦៦០សេសេ ផលិតបាន​កម្លាំង ៤៨សេះ។

-option Hybrid៖ បន្ថែម​ម៉ាស៊ីនថ្មី Integrated Starter Generator ផលិតបាន​កម្លាំង ២,៥សេះ និង​ប្រើអាគុយ lithium-ion។ ការប្រើប្រាស់សាំងគឺជិះ ១០០គីឡូម៉ែត្រ​ស៊ីសាំង ៣,៦១លីត្រ។

រថយន្តMazda Carol ​មាន​កៅអីចំនួន៤ និង​មាន​ប្រព័ន្ធកម្សាន្ត Touchscreen ទំហំ ៧អ៊ីញ។ វា​បំពាក់ពោងសុវត្ថិភាព ៦ និង​ប្រព័ន្ធ ADAS ដែល​រួមមាន​ដូចជា ប្រព័ន្ធ​ជំនួយហ្រ្វាំង​កាមេរ៉ាពីរ, ប្រព័ន្ធឱ្យសញ្ញាពេលចេញ​ពីគន្លង, ភ្លឺបំភ្លឺចម្ងាយ និងហ្វ្រាំង​ជំនួយ​ពេល​រ៉ឺយែរ។ រថយន្ត​នេះ ក៏បំពាក់​ជាមួយចង្កៀង LED, កង់ទំហំ ១៤អ៊ីញ និង​ម៉ាស៊ីនត្រជាក់អូតូផងដែរ។

Mazda នឹង​ដាក់លក់រថយន្ត​នេះ នៅក្នុងប្រទេសជប៉ុន អំឡុងខែមករា ឆ្នាំ២០២២ ដោយមាន​តម្លៃចាប់ពី ៨៧៣២ ដល់ ១១ ៣៩៦ដុល្លារ៕

ចង់បានរថយន្តថ្មី ប៉ុន្តែមិនមានប្រាក់គ្រប់គ្រាន់ សូមកុំបារម្ភ! លោកអ្នកអាចស្នើសុំឥណទាន រថយន្តរបស់ធនគារ CIMB ដែលផ្តល់ជូនអត្រាការប្រាក់ពិសេស ៨,៥% ទំហំឥណទានដល់ ៧០% និងរយៈពេលឥណទានដល់ ៥ឆ្នាំទៀតផង។ សម្រាប់ព័ត៌មានលម្អិតសូមជជែកជាមួយមន្ត្រីឥណទានរថយន្តរបស់ធនាគារ CIMB ដោយផ្ទាល់ តាមរយៈលេខទូរសព្ទ 096 669 2222 / 092 667 375 ៕​