/Local-(3)/6163c14976ce6_1633927440_medium.jpg)
- 2021-10-11 04:49:24
- ព័ត៌មាន
ឈីបតូចញ៉េបប៉ុនក្រចកដៃ IBM នឹងធ្វើឲ្យទូរសព្ទជំនាន់ក្រោយសាកភ្លើងម្ដងប្រើ ៤ ថ្ងៃ
- 2021-10-11 04:49:24
- ចំនួនមតិ 0 | ចំនួនចែករំលែក 0
ឈីបតូចញ៉េបប៉ុនក្រចកដៃ IBM នឹងធ្វើឲ្យទូរសព្ទជំនាន់ក្រោយសាកភ្លើងម្ដងប្រើ ៤ ថ្ងៃ
ចន្លោះមិនឃើញ
លោក DARI`O GIL ប្រធានជាន់ខ្ពស់ផ្នែកស្រាវជ្រាវនៅក្រុមហ៊ុន IBM បានផ្តល់បទសម្ភាសន៍ផ្តាច់មុខមួយជាមួយសារព័ត៌មានលើកឡើងថា ពេលនេះ IBM កំពុងបង្កើតប្រវត្តិសាស្រ្តផលិតបន្ទះឈីបតូចជាងគេបំផុតមានទំហំប៉ុនក្រចកដៃ (2nm Chips អានថា ណាណូម៉ែត្រ) ដែលមានសមត្ថភាពខ្ពស់ជាងឈីបជំនាន់មុនៗ។
លោកបានរៀបរាប់ត្រួសៗអំពីសមត្ថភាពដ៏ខ្លាំងរបស់ឈីបតូចនោះមាន ៤ សិនដោយលើកយកក្រុមហ៊ុនផលិតទូរសព្ទ ធ្វើជាឧទាហរណ៍មុនគេ។ លោកថា បើធៀបនឹងឈីបបច្ចប្បន្ន(7nm Chips) ស្មាតហ្វូនអាចរក្សាកម្លាំងថ្មបានតែ ២៥% ជួយទៅលើប្រព័ន្ធដំណើរការ តែដល់ជំនាន់ 2nm Chips វាអាចជួយរក្សាកម្លាំងបានដល់ ៧៥% មានន័យថា បើអ្នកយកទូរសព្ទទៅសាកភ្លើងម្ដងប្រើបាន ៤ ថ្ងៃឯណោះ។
ឥឡូវនេះ IBM កំពុងសម្រុកលើសង្វាក់ផលិតកម្មនៃការផលិតបន្ទះឈីប 7nm, 5nm, 3nm តែឈីបតូចជាងគេ 2nm អាចនឹងចូលរោងចក្រអំឡុងឆ្នាំ ២០២៤-២០២៥ នាប៉ុន្មានឆ្នាំខាងមុខនេះរួមទាំងការបង្កើនសមត្ថភាពពិសេសផ្សេងទៀតទៅលើវា។
លើសពីនេះទៀត វាក៏អាចនឹងក្លាយជាឧបករណ៍ជំនួយស្ទើរតែគ្រប់វិស័យមិនថា ផ្នែកវេជ្ជសាស្រ្ត ឬផ្នែកអវកាស ជាដើម។ បន្ទះឈីបជំនាន់ចុងក្រោយនេះ ក៏អាចធ្វើឲ្យបច្ចេកវិទ្យាលើ រថយន្តបើកស្វ័យប្រវត្តិ ធ្វើការកាន់តែសុក្រឹតច្បាស់លាស់ជាងមុន ឬអាចប្រើប្រាស់ទៅលើឧបករណ៍ Smart Home ឲ្យវាកាន់តែឆ្លាតខ្លាំងថែមមួយកម្រិតទៀតដែលអាចការពារសុវត្ថិភាពម្ចាស់ផ្ទះបាន។
IBM ដែលអ្នកទាំងអស់គ្នាធ្លាប់ឮជាច្រើនឆ្នាំនោះ មានឯកទេសផលិតទាំងផ្នែករឹង(Hardware) និងផ្នែកទន់ (Sofware) ដ៏ល្បីល្បាញក្នុងពិភពបច្ចេកវិទ្យា។
មកទល់ពេលនេះ ពួកគេក៏បាននឹងរួមសហការជាមួយក្រុមហ៊ុនដៃគូផលិតបន្ទះឈីប ជាច្រើនដូចជា Intel និង Samsung ចុះកិច្ចព្រមព្រៀងរយៈពេលវែងរួចរាល់ហើយក្នុងការផលិតឈីបជំនាន់ចុងក្រោយបង្អស់ផ្គត់ផ្គង់ដល់សហគ្រាសផលិតស្មាតហ្វូននានា៕
