សិស្សសាលាម្នាក់ នៅខេត្ត Jambi ប្រទេសឥណ្ឌូនេស៊ី បានសម្រេចចិត្តលក់ម៉ូតូឪពុក បានលុយ ១៤០៦ដុល្លារ យកទៅទិញសំបុតយន្តហោះឡើងទៅ ក្រុង Jakarta ដើម្បីជួបបុរសសង្សារដែលស្រលាញ់គ្នាក្នុងហ្គេមអនឡាញ តែលទ្ធផលគួរឱ្យខកចិត្តជាខ្លាំង។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

វីដេអូរបស់ក្មេងស្រីខាងលើ និយាយអមដោយទឹកភ្នែកនៅឯព្រលានយន្តហោះ ដោយគ្មានសាច់ញាតិ កំពុងផ្ទុះការចាប់អារម្មណ៍ក្នុងបណ្ដាញសង្គម Instagram ព្រោះតែបុរសក្នុងក្ដីស្រមៃ ដែលជាគូស្នេហ៍តែងកំដរនាងលេងហ្គេម Free Fire បដិសេធមិនចង់ជួបនាង ខណៈនាងរៀបឡើងជើងហោះហើរទៅហើយ។

ក្រោយបុគ្គលិកនៅអាកាសយានដ្ឋាន សួរនាំពីហេតុការណ៍នេះរួច ក៏បានទាក់ទងទៅឪពុកម្ដាយរបស់នាង និងផ្អាកជើងហោះហើរនេះជាបន្ទាន់។

“ទាំងនេះជាមេរៀនមួយសម្រាប់ក្មេងស្រីចងចាំ ចូលកុំឆាប់ទុកចិត្តនរណាម្នាក់លឿនពេក” នេះជាការលើកឡើងរបស់អ្នកប្រើបណ្ដាញសង្គម Instagram ម្នាក់មានគណនីឈ្មោះ Chika_ocha ៕