ប្រទេសអាស៊ីដំបូងគេ បង្កើតថ្នាក់បរិញ្ញាប័ត្រ e-Sport មានសញ្ញាប័ត្រជូនថែមទៀត!

2021-05-12 04:50:21
ព័ត៌មាន

2021-05-12 04:50:21
ចំនួនមតិ 0 | ចំនួនចែករំលែក 0

ចន្លោះមិនឃើញ

សាកលវិទ្យាល័យមួយឈ្មោះថា Lyceum (LPU) មានមូលដ្ឋានស្ថិតក្នុងទីក្រុងម៉ានីលប្រទេសហ្វីលីពីន បានក្លាយជាគ្រឹះស្ថានឧត្តមសិក្សាឯកជនដំបូងគេក្នុងតំបន់អាស៊ីបង្កើតថ្នាក់មហាវិទ្យាល័យបណ្ដុះបណ្ដាលជំនាញកីឡាអេឡិចត្រូនិច ឬជាភាសាអង់គ្លេស [e-Sports college degree] ។

សាកលវិទ្យាល័យវិទ្យាសាស្រ្ត Lyceum (LPU) នៅហ្វីលីពីន

ក្នុងនោះចែកចេញជា ២ ជំនាញធំៗគឺ Esports Management និង Game Design and Development ដែលតម្រូវឲ្យនិស្សិតសិក្សារយៈពេល ៤ ឆ្នាំពេញដូចថ្នាក់បរិញ្ញាប័ត្រទូទៅដែរមានឈ្មោះថា Bachelor Degree of Science in e-Sport ចំណែកថ្នាក់បរិញ្ញាប័ត្ររង សិក្សារយៈពេល ២ ឆ្នាំដោយផ្តោតសំខាន់លើជំនាញ Game Design តែម្ដង។ ចំពោះតម្លៃសិក្សា ប្រភពព័ត៌មានមិនបានបញ្ជាក់នោះទេ។

លោក Tryke Gutierrez ជាគណៈគ្រប់គ្រងសាកលវិទ្យាល័យខាងលើបាននិយាយថា៖ «ស្ថិតនៅក្នុងដេប៉ាតឺម៉ង់វិទ្យាសាស្រ្តកុំព្យូទ័រដដែលការផ្តល់ជូនថ្នាក់សិក្សាដ៏ថ្មីសន្លាងនេះគឺ យើងមានគោលដៅចង់ឲ្យនិស្សិតបញ្ចាប់ទៅអាចមានលទ្ធផលបង្កើតក្រុមហ៊ុនដោយខ្លួនឯង ឬក៏យ៉ាងហោចណាស់និស្សិតអាចមានជំនាញរៀបចំគម្រោងអាជីវកម្ម ឬជំនាញខាងគ្រប់គ្រងកម្មវិធីផ្សាយផ្ទាល់ Online streaming, marketing, និងការផ្សព្វផ្សាយវិស័យនេះឲ្យកាន់តែមានប្រសិទ្ធភាពខ្ពស់តាមរយៈការរីកចម្រើនឡើងពីមួយថ្ងៃទៅមួយថ្ងៃលើបច្ចេកវិទ្យាឌីជីថល»។

មុខជំនាញនិមួយៗក្នុង e-Sports college degree

គូសបញ្ជាក់ផងដែរថា វិញ្ញាសារកីឡាអេឡិចត្រូនិចមួយនេះមានសន្ទុះខ្លាំងមែនទែន។ ប្រទេសតំបន់អាស៊ីដែលមាន ហ្វីលីពីន ឥណ្ឌូនេស៊ី កម្ពុជា ថៃ ឡាវនិងវៀតណាម រួមទាំងអឺរ៉ុបផងដែរ សុទ្ធតែធ្លាប់ប្រកួតប្រជងគ្នាដណ្ដើមពានរង្វាន់ឬមេដាយទៅតាមកម្មវិធីរបស់ក្រុមហ៊ុនធំៗនានា៕