EZECOM ផ្តល់ជូនទំហំអ៊ិនធឺណិតកាន់តែធំ សម្រាប់សិស្សនិស្សិតរៀនពីចម្ងាយ និងអ្នកធ្វើការពីផ្ទះ

2021-04-28 03:30:37
ព័ត៌មាន

2021-04-28 03:30:37
ចំនួនមតិ 0 | ចំនួនចែករំលែក 0

ចន្លោះមិនឃើញ

EZECOM ក្រុមហ៊ុនផ្តល់សេវាអ៊ិនធឺណិតលំដាប់ខ្ពស់នៅកម្ពុជាកំពុងផ្តល់ជូនទំហំអ៊ិនធឺណិតកាន់តែធំជាមួយនឹងតម្លៃកាន់តែទាប ដើម្បីឆ្លើយតបទៅនឹងតម្រូវការរបស់អ្នកដែលកំពុងធ្វើការ និងកំពុងសិក្សាពីផ្ទះដោយសារការរាតត្បាតនៃជំងឺកូវីដ-១៩។

កញ្ចប់សេវា Home ថ្មីរបស់ក្រុមហ៊ុន EZECOM គឺជាកញ្ចប់សេវាដែលធ្វើបច្ចុប្បន្នភាពពីកញ្ចប់សេវាដែលមានស្រាប់មួយដែលផ្តល់ជូនប្រសិទ្ធភាពចំណាយខ្ពស់ជាងមុនក្នុងពេលដែលមនុស្សកាន់តែច្រើនប្រើប្រាស់អ៊ិនធឺណិតសម្រាប់ធ្វើការ និងរៀនសូត្រ។ កញ្ចប់សេវាថ្មីនេះផ្តល់ជូនទំហំអ៊ិនធឺណិតកាន់តែធំក្នុងតម្លៃដដែលដល់សិស្សនិស្សិតដែលសិក្សាតាមអនឡាញ ព្រមទាំងក្រុមហ៊ុន សហគ្រាសដែលធ្វើការងារពីផ្ទះ។

ដោយសារសាលារៀនបិទដំណើរការ ហើយអ្នកធ្វើការក្នុងចំនួនដ៏ច្រើនបច្ចុប្បន្នធ្វើការពីផ្ទះ សេវាអ៊ិនធឺណិតលឿនរហ័ស ទុកចិត្តបាន និងមានសុវត្ថិភាពមានសារៈសំខាន់ខ្លាំងដើម្បីធ្វើឱ្យសាលារៀន និងអាជីវកម្មដំណើរការទៅបាន។ លើសពីនេះទៀត យោងតាមក្រុមហ៊ុន EZECOM ការប្រើប្រាស់អ៊ិនធឺណិតបានកើនឡើងខ្លាំងដែលធ្វើឱ្យតម្រូវការតភ្ជាប់អ៊ិនធឺណិតតាមផ្ទះកើនឡើងកាន់តែខ្លាំង។ ដោយហេតុនេះហើយបានជាក្រុមហ៊ុន EZECOM បានបង្កើតកញ្ចប់សេវាអ៊ិនធឺណិតដែលមានគុណតម្លៃបន្ថែមថ្មីៗ ដើម្បីជួយសម្រាលបន្ទុកដល់អ្នកទាំងឡាយណាដែលពឹងផ្អែកលើអ៊ិនធឺណិតដើម្បីបន្តការអប់រំរបស់កូនពួកគេ និងដើម្បីរក្សាឱ្យអាជីវកម្មរបស់ពួកគេនៅតែបើកដំណើរការ។

កញ្ចប់សេវាថ្មីនេះផ្តល់ជូនទំហំអ៊ិនធឺណិតកាន់តែធំក្នុងតម្លៃដដែល ដោយEZECOM បច្ចុប្បន្នបង្កើនទំហំអ៊ិនធឺណិតពី ៣០Mbpsដល់ ៥០Mbps ខណៈដែលរក្សាតម្លៃត្រឹម ២៩ដុល្លារដដែល។ សម្រាប់អតិថិជនដែលកន្លងមកចំណាយ ៤៩ដុល្លារសម្រាប់ការជាវសេវាអ៊ិនធឺណិតទំហំ ៥០Mbps ឥឡូវនេះនឹងទទួលបានរហូតដល់ ១០០Mbps ខណៈដែលអតិថិជនដែលចំណាយ ៦៩ដុល្លារសម្រាប់អ៊ិនធឺណិតទំហំ ១០០Mbps នឹងទទួលបាន ១៥០Mbps សម្រាប់តម្លៃដដែលនេះ។

អតិថិជនថ្មីរបស់ក្រុមហ៊ុន EZECOM នឹងត្រូវបានផ្តល់ជូនដោយស្វ័យប្រវត្តិនូវកញ្ចប់សេវាសម្រាប់គេហដ្ឋានថ្មីនេះ ខណៈដែលអតិថិជនចាស់ក៏កំពុងត្រូវបានផ្តល់ជូន “ការដំឡើងទំហំអ៊ិនធឺណិត” ផងដែរ។ ពាក្យស្លោកសម្រាប់ការផ្តល់ជូនកញ្ចប់សេវាថ្មីរបស់ក្រុមហ៊ុន EZECOM នេះគឺ “ជួបបញ្ហាពេលធ្វើការនិងសិក្សាមែនទេ? កញ្ចប់សេវាសម្រាប់គេហដ្ឋាន ផ្តល់ជូនទំហំអ៊ិនធឺណិតបន្ថែមក្នុងតម្លៃដដែលពីក្រុមហ៊ុន EZECOM!”។

លោកស្រី Yuni Lee Heathcote អគ្គនាយិកាក្រុមហ៊ុន EZECOM មានប្រសាសន៍ថា៖ «ក្រុមហ៊ុន EZECOM មានភាពបត់បែនៗទៅតាមស្ថានភាពបច្ចុប្បន្ន។ យើងស្វែងយល់ពីតម្រូវការរបស់អតិថិជនរបស់យើងដែលចង់បានទំហំអ៊ិនធឺណិតធំ និងល្បឿនលឿន ដើម្បីជួយដល់ការសិក្សា និងការធ្វើការពីផ្ទះរបស់ពួកគេ។ ហេតុដូច្នេះហើយបានជាយើងបង្កើតកញ្ចប់សេវាថ្មីមួយសំដៅអតិថិជនដែលកំពុងធ្វើការ និងសិក្សាពីផ្ទះ។ យើងដឹងថា ការផ្តល់ជូនថ្មីនេះនឹងឆ្លើយតបទៅនឹងតម្រូវការដែលកំពុងកើតមានរបស់សាធារណៈជន”។

កញ្ចប់គេហដ្ឋាន ថ្មីក៏មានផ្តល់ជូនផងដែរនូវល្បឿនលឿន សុវត្ថិភាព និងភាពអាចទុកចិត្តបាន ជាដំណោះស្រាយដ៏ល្អមួយសម្រាប់អតិថិជន ដែលកំពុងប្រើប្រាស់កម្មវិធីកាមេរ៉ាសុវត្ថិភាពពីចម្ងាយ។ កញ្ចប់សេវានេះផ្តល់ជូនការប្រើប្រាស់ទិន្នន័យគ្មានដែនកំណត់ ភាពអាចទុកចិត្តបានរបស់ខ្សែហ្វាយប៊ើអុបទិក និងការគាំទ្របច្ចេកទេស ២៤ម៉ោង។ កញ្ចប់សេវា Home ក៏មាន APP ផងដែរសម្រាប់ការគ្រប់គ្រងបណ្តាញនៅគេហដ្ឋាន ហើយនឹងដាក់ដំណើរការចាប់ផ្តើមពីខែមេសា ឆ្នាំ២០២១ តទៅ។ ដើម្បីចុះឈ្មោះជាវកញ្ចប់សេវា Home សូមចូលទៅកាន់គេហទំព័រ www.ezecom.com.kh។

អំពីក្រុមហ៊ុន EZECOM

ក្រុមហ៊ុន EZECOM ត្រូវបានបង្កើតឡើងក្នុងឆ្នាំ២០0៧ ដើម្បីបម្រើតម្រូវការទីផ្សារសេវាអ៊ិនធឺណិតសម្រាប់ក្រុមហ៊ុន សហគ្រាស និងតាមលំនៅដ្ឋាន ដែលបាននឹងកំពុងរីកចម្រើនយ៉ាងឆាប់រហ័សនៅប្រទេសកម្ពុជា។ ចាប់តាំងពីបានបង្កើតឡើងមក ក្រុមហ៊ុនបានក្លាយជាអ្នកផ្តល់សេវាអ៊ិនធឺណិត និងបច្ចេកវិទ្យាទំនាក់ទំនងដ៏ទូលំទូលាយនិងនាំមុខគេមួយក្នុងព្រះរាជាណាចក្រកម្ពុជា រួមទាំងអ៊ិនធឺណិតខ្សែហ្វាយប៊ើអុបទិក សេវា IPLC, DPLC, MPLS, VPLS ព្រមទាំងដំណោះស្រាយនិងសេវាកម្ម VAS ដែលមានមូលដ្ឋានលើអ៊ិនធឺណិតផ្សេងទៀត។ នៅក្រុមហ៊ុន EZECOM យើងផ្តល់អំណាចដល់ប្រជាជន ក្រុមហ៊ុន សហគ្រាស និងប្រទេសជាតិ ដើម្បីរួមគ្នាកសាង និងរៀបចំអនាគតឌីជីថលរបស់អ្នក។ បេសកកម្មរបស់ក្រុមហ៊ុន EZECOM គឺដើម្បី “ក្លាយជាអ្នកផ្តល់ដំណោះស្រាយល្អជាងគេខាងសេវាទំនាក់ទំនងនៅប្រទេសកម្ពុជា តាមរយៈការបង្កើតថ្មី និងការបន្តកែលម្អខ្លួនព្រមទាំងជួយលើកស្ទួយដល់សង្គម”។

ក្រុមហ៊ុនរបស់យើងខ្ញុំប្រើប្រាស់បណ្តាញខ្សែហ្វាយប៊ើអុបទិកនៅទូទាំងប្រទេសកម្ពុជា ដែលគាំទ្រដោយ MPLS និងសេវាមជ្ឈមណ្ឌលទិន្នន័យកម្រិតពិភពលោកទៀតផង។ យើងដឹងច្បាស់អំពីតម្រូវការគុណភាពខ្ពស់ និងសេវាអ៊ិនធឺណិតដែលគួរឲ្យទុកចិត្តបាន ដូច្នេះ ក្រុមហ៊ុន EZECOM បានវិនិយោគយ៉ាងច្រើនលើបណ្តាញហេដ្ឋារចនាសម្ព័ន្ធឌីជីថល រួមទាំងប្រព័ន្ធខ្សែកាប្លិ៍បាតសមុទ្រ (MCT) ដែលត្រូវបានភ្ជាប់មកកាន់ដីគោកប្រទេសកម្ពុជាក្នុងឆ្នាំ២០១៧ ដោយមានការសហការជាមួយក្រុមហ៊ុន Telekom Malaysia និងក្រុមហ៊ុន Symphony Thailand។ ការវិនិយោគដ៏មានសារៈសំខាន់ទាំងនេះធានាបាននូវកម្រិតសេវាដ៏សាកសមបំផុតចំពោះតម្រូវការរបស់ក្រុមហ៊ុន សហគ្រាស និងអ្នកប្រើប្រាស់តាមគេហដ្ឋាន។ ដំណោះស្រាយដោយភាពច្នៃប្រឌិត និងហេដ្ឋារចនាដ៏រឹងមាំរបស់យើងបានធ្វើឱ្យយើងក្លាយជាក្រុមហ៊ុនឈានមុខគេក្នុងទីផ្សារក្នុងវិស័យរបស់យើង និងជាកត្តាជំរុញមួយនៃការវិវត្តឌីជីថលរបស់កម្ពុជា។

ទំនាក់ទំនងក្រុមហ៊ុន EZECOM