ម៉ូតូអគ្គិសនីដែលត្រូវបានផលិតឡើងដោយស្នាដៃកូនខ្មែរ លោក ញាន ផល្លឹក បានបង្ហាញពីរូបរាងយ៉ាងស្រស់ស្អាត និងមានឡូហ្គូរូបប្រាសាទអង្គរវត្តនៅចំពីមុខទៀត។ ម៉ូតូអគ្គិសនីនេះ លោកបានបង្កើតឡើងដោយមិនធ្លាប់បានដាក់ឈ្មោះនៅឡើយទេ។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

លោក ញាន ផល្លឹក ធ្លាប់បាននិយាយនៅលើហ្វេសបុករបស់លោកថា ខ្ញុំជាមនុស្សឆ្ងល់ច្រើន ចូលចិត្តកែឆ្នៃរបស់ប្លែកៗឲខុសពីរគេ។ ចំពោះម៉ូតូអង្គរមួយគ្រឿងនេះធ្វើហើយមិនដឹងដាក់ឈ្មោះអ្វីឲសមនឹងរូបរៀងខុសគេ។

ម៉ូតូអង្គរ ២០១៥ ប្រើថាមពលអគ្គិសនីចាប់ផ្តើមធ្វើថ្ងៃទី ១៣ មិនា ឆ្នាំ ២០១៤ ធ្វើហើយថ្ងៃទី ២៩ សីហា ឆ្នាំ ២០១៤»** ។ ម៉ូតូនេះប្រើប្រាស់ Motor. 48v. 500w និងជាប្រភេទថ្ម Lithium Battery. 48v. 40ah ដែលមានកម្លាំងស្ទុះ Speed 45Km/h។

ទាំង​នេះជារូបភាពម៉ូតូផ្ទាល់​ខ្លួន​របស់​លោកផលិតឡើងទុកគ្រាន់ជិះលេងកម្សាន្ត៖

ក្រៅពីម៉ូតូអគ្គិសនីនេះលោកក៏ធ្លាប់បានផលិតយាន្តជំនិះធ្វើសាកល្បងកន្លងមកមានដូចជា៖ កង់អាគុយ, ម៉ូតូកង់មួយប្រើអាគុយ, ម៉ូតូកង់ពីរប្រើអាគុយ, ម៉ូតូកង់បីប្រសូឡាសុទ្ធ ១០០% រត់រហូតឲ្យតែមានពន្លឺថ្ងៃ, ម៉ូតូកង់បីប្រើអាគុយនិងសូឡា, ឡានប្រើម៉ាស៊ីនសាំង, ឡានប្រើអាគុយ, ឡានក្រុងប្រើអាគុយនិងសូឡា ជាដើម៕