លោក ញាន ផល្លឹក អ្នកផលិតរថយន្តអគ្គិសនីអង្គរ បង្ហាញវត្តមានឡាន Golf Car ជាថ្មីនៅលើដងផ្លូវ

2021-03-03 06:24:56
ព័ត៌មាន

2021-03-03 06:24:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពេលបាត់មុខជាច្រើនឆ្នាំពីវត្តមានរថយន្តអង្គរបើកនៅលើដងផ្លូវ ពេលនេះអ្នកផលិតឡានអគ្គិសនីដំបូងនៅខ្មែរ លោក ញាន ផល្លឹក បានបង្ហាវត្តមានជាថ្មីពីរថយន្តអង្គរដែលមានឈ្មោះថា Golf Car ត្រូវបានផលិតឡើងកាលពីឆ្នាំ ២០១៨ ដែលនៅតែមានភាពទាក់ទាញ។

លោក ញាន ផល្លឹក អ្នកផលិតរថយន្តអង្គរ រូបភាពពី ហ្វេសបុក

ការបង្ហាញវត្តមានជាថ្មីនៅលើដងផ្លូវនេះលោកបានរៀបរាប់នៅលើទំព័រហ្វេសបុកផ្ទាល់ខ្លួនថា «សាកល្បងធ្វេីឡាន Golf car កាលឆ្នាំ២០១៨ បានមួយគ្រឿង សំរាប់ជិះទៅហាត់ប្រាណព្រឹកៗនៅសួនច្បារមាត់ទន្លេ ម្យ៉ាងដែរអត់អស់លុយចាក់សាំង ប្រេីថាមពលអគ្គិសនី១០០%» ។ ការបង្ហាញវត្តមានជាថ្មីរបស់រថយន្តអគ្គិសនីអង្គរ ដែលមានឈ្មោះថា Golf Car ផលិតនៅឆ្នាំ២០១៨ នេះ បានធ្វើឲ្យមហាជនជាច្រើនចាប់អារម្មណ៍ជាខ្លាំង និងបានសួរនាំពីវត្តមានរថយន្តអង្គរជំនាន់មុនៗទៀតផង។

គួររំលឹកដែរថា រថយន្តអង្គរ ដែលជាស្នាដៃកូនខ្មែរ នឹងត្រូវបានផលិតឡើងបានជាច្រើនជំនាន់ មានដូចជារថយន្តអង្គរ២០០៣ រថយន្តអង្គរ២០០៤ រថយន្តអង្គរ២០១០ រថយន្តអង្គរ EV ២០១៣ និងរថយន្តអង្គរ EV ២០១៤ នៅឆ្នាំ២០១៨ បានចេញរថយន្តអង្គរម៉ូដែលឈ្មោះថា Golf car មានការរចនារូបរាងខុសពីស៊េរីមុនៗ។