- 2019-03-18 03:49:23
- ព័ត៌មាន
ឈ្នះទៀតហើយ! Wing លើកពានកំពូលច្នៃប្រឌិតផ្នែកឌីជីថល
- 2019-03-18 03:49:23
- ចំនួនមតិ 0 | ចំនួនចែករំលែក 0
ឈ្នះទៀតហើយ! Wing លើកពានកំពូលច្នៃប្រឌិតផ្នែកឌីជីថល
ចន្លោះមិនឃើញ
Wing បានទទួលពានរង្វាន់ជា "ស្ថាប័នដែលមានភាពច្នៃប្រឌិតបំផុតផ្នែកប្រព័ន្ធឌីជីថល" ពីកម្មវិធី "ពានរង្វាន់បច្ចេកវិទ្យាគមនាគមន៍ និងព័ត៌មានវិទ្យាកម្ពុជាឆ្នាំ ២០១៩" ដែលបានធ្វើឡើងនៅសណ្ឋាគារ Raffle Le Royal នៅយប់ថ្ងៃទី ១៥ មីនា ២០១៩។
ការផ្តល់ពានរង្វាន់នេះធ្វើឡើងស្របពេលដែលក្រុមហ៊ុនផ្តល់សេវាកម្មធនាគារចល័តឈានមុខគេ Wing បានបង្ហាញផលិតផលនិងសេវាកម្មឌីជីថលដែលប្រកបដោយភាពច្នៃប្រឌិតនៅពិព័រណ៍បច្ចេកវិទ្យាធំបំផុតនៅកម្ពុជាដែលមានឈ្មោះថា "Digital Cambodia" នៅកោះពេជ្រថ្ងៃទី ១៥-១៧ ខែមីនា ២០២៩។
មានប្រសាសន៍នៅក្នុងកម្មវិធីទទួលពានរង្វាន់ អគ្គនាយកធនាគារឯកទេស Wing លោក ចូចូ ម៉ាឡូឡូស បានរៀបរាប់ថា វាគឺជាមោទនភាពមួយរបស់ Wing ដែលបានបម្រើសេវាកម្មដល់អតិថិជនកម្ពុជាក្នុងអំឡុងពេល ១០ ឆ្នាំកន្លងមកនេះ ដោយផ្តល់ជូននូវបច្ចេកវិទ្យាហិរញ្ញវត្ថុដ៏ទំនើប តែមានលក្ខណៈសាមញ្ញ ដោយបាននាំអតិថិជនទៅកាន់ពិភពថ្មីមួយនៃសេវាធនាគារចល័ត ពិសេសក្រុមប្រជាជនមិនធ្លាប់ប្រើប្រាស់សេវាកម្មហិរញ្ញវត្ថុធនាគារ។
លោកបន្តថា "ពានរង្វាន់នេះពិតជាភស្តុតាងមួយដែលបង្ហាញថា Wingគឺជាក្រុមហ៊ុនដែលនាំយកការច្នៃប្រឌិតបច្ចេកវិទ្យាឌីជីថលចុងក្រោយបំផុតសម្រាប់ប្រទេសកម្ពុជាដោយបើកលទ្ធភាពជាច្រើនសម្រាប់ប្រជាជនកម្ពុជា មិនថាទៅលើអាជីវកម្មរបស់ពួកគេ ឬជីវភាពប្រចាំថ្ងៃរបស់ពួកគេឡើយ។ សម្រាប់អតិថិជនដែលចង់ជ្រាបច្បាស់អំពីផលិតផល និងសេវាកម្មរបស់ Wingពួកគេក៏អាចមកកាន់បញ្ជរ Wing នៅក្នុងកម្មវិធីពិព័រណ៌ ឌីជីថល កម្ពុជាផងដែរ"។
វត្តមានរបស់ Wing នៅក្នុងពិព័រណ៍បច្ចេកវិទ្យា "Digital Cambodia" មានគោលបំណងធ្វើឲ្យប្រជាជនកាន់តែខិតជិតទៅកាន់បច្ចេកវិទ្យាចុងក្រោយចុងក្រោយបំផុត ជាពិសេសបច្ចេកវិទ្យាហិរញ្ញវត្ថុ ព្រោះធនាគារឯកទេស Wing ជឿជាក់ថាប្រជាជនកម្ពុជានឹងត្រៀមខ្លួនរួចជាស្រេចសម្រាប់សេដ្ឋកិច្ចឌីជីថលដែលរដ្ឋាភិបាលកម្ពុជាមានបំណងសម្រេចបាននៅឆ្នាំ ២០២៣៕
