- 2018-12-17 04:32:19
- ព័ត៌មាន
ក្រោយឈ្នះតាមតំបន់ ជាងសំណង់ឡើងមកប្រកួតដណ្ដើមជើងឯកក្នុងវគ្គផ្ដាច់ព្រ័ត្រនៅភ្នំពេញហើយ
- 2018-12-17 04:32:19
- ចំនួនមតិ 0 | ចំនួនចែករំលែក 0
ក្រោយឈ្នះតាមតំបន់ ជាងសំណង់ឡើងមកប្រកួតដណ្ដើមជើងឯកក្នុងវគ្គផ្ដាច់ព្រ័ត្រនៅភ្នំពេញហើយ
ចន្លោះមិនឃើញ
បន្ទាប់ពីបានឈ្នះក្នុងការប្រកួតនៅថ្នាក់តំបន់រួចហើយ ជាងសំណង់ចំនួន ៣៤ នាក់បានមកចូលរួមប្រកួតគ្នាក្នុងវគ្គផ្ដាច់ព្រ័ត្រនៃកម្មវិធីបណ្ដុះបណ្ដាលជាងសំណង់របស់ក្រុមហ៊ុនអេសស៊ីជី (SCG) ដែលការប្រកួតនេះបានរៀបចំនៅក្នុងរាជធានីភ្នំពេញ ដើម្បីស្វែងរកកំពូលជាងសំណង់ផ្នែកបូកស៊ីម៉ង់ត៍ និងផ្នែកប្រក់ដំបូល។
យោងតាមក្រុមហ៊ុនអេសស៊ីជី កម្មវិធីបណ្ដុះបណ្ដាលជាងសំណង់នេះជាសក្ខីកម្មបង្ហាញឲ្យឃើញពីការប្ដេជ្ញា និងការតាំងចិត្តរបស់ក្រុមហ៊ុន ដើម្បីលើកកម្ពស់ជំនាញរបស់ជាងសំណង់ និងជីវភាពរស់នៅរបស់ប្រជាជននៅក្នុងប្រទេស និងសហគមន៍ដែលក្រុមហ៊ុនធ្វើប្រតិបត្តិការអាជីវកម្ម។
ការបណ្ដុះបណ្ដាល និងការប្រកួតជាងសំណង់នេះ បានយកផលិតផលសំណង់គុណភាពខ្ពស់ទាន់សម័យរបស់ក្រុមហ៊ុនអេសស៊ីជី មកប្រើប្រាស់ ដែលមានដូចជាស៊ីម៉ង់ត៍ ខេ-ស៊ីមេន និងក្បឿងអេសស៊ីជីជាដើម។
លោក ស៊ុមវ៉ាង ម៉ាន់ពីមុនឆៃ (Somwang Manpimonchai) នាយកក្រុមហ៊ុន SCG ប្រចាំកម្ពុជា បានឱ្យដឹងថា៖ “ម៉ាកយីហោ អេសស៊ីជីគឺជាម៉ាកយីហោដែលមានការទុកចិត្ត។ យើងបានឈ្នះនូវពានរង្វាន់ផ្សេងៗចំពោះទំនុកចិត្តរបស់អតិថិជនមកលើផលិតផលរបស់យើង ដូច្នេះ តាមរយៈកម្មវិធីបណ្ដុះបណ្ដាល និងការប្រកួតនេះ យើងសង្ឃឹមថា ជាងសំណង់ដែលបានឆ្លងកាត់ការបណ្ដុះបណ្ដាល ផ្នែកបូកស៊ីម៉ង់ត៍ និងប្រក់ដំបូល កំពុងតែទទួលបានផលប្រយោជន៍តាមរយៈទំនាក់ទំនងរបស់ពួកគេជាមួយនឹងម៉ាកយីហោអេសស៊ីជី និងទទួលបានទំនុកចិត្តចំពោះស្នាដៃរបស់គេផងដែរ”។
តាមរយៈការគាំទ្រពីក្រសួងការងារ និងបណ្ដុះបណ្ដាលវិជ្ជាជីវៈ វគ្គបណ្ដុះបណ្ដាល និងការប្រកួតជាងសំណង់នេះមានបំណងលើកកម្ពស់ជំនាញ និងប្រាក់ចំណូលរបស់ជាងសំណង់ លើកកម្ពស់គុណភាពរបស់សំណង់ ក៏ដូចជារួមចំណែកដល់ការអភិវឌ្ឍន៍វិស័យសំណង់។
នៅថ្ងៃនេះ បានចុះអនុស្សរណៈយោគយល់គ្នាជាមួយនឹងក្រសួងការងារ និងបណ្ដុះបណ្ដាលវិជ្ជាជីវៈ នៃប្រទេសកម្ពុជា ដើម្បីគាំទ្រដល់ការរៀបចំការប្រកួតសំណង់ទូទាំងប្រទេស ដែលប្រព្រឹត្តិទៅនាឆ្នាំនេះ ដើម្បីជាការបង្កើនជំនាញរបស់ជាងសំណង់ និងលើកកម្ពស់គុណភាពផ្នែកសំណង់ ក៏ដូចជាអភិវឌ្ឍន៍ឧស្សាហកម្មសំណង់ជារួមផងដែរ។
ការប្រកួតជម្រុះនៅតាមខេត្តសម្រាប់ផ្នែកបូកស៊ីម៉ង់ត៍នឹងត្រូវបានធ្វើឡើង នៅតាមទីរួមខេត្តសំខាន់ៗទូទាំងប្រទេស ហើយអ្នកឈ្នះក្នុងវគ្គជម្រុះនោះ នឹងចូលរួមក្នុងការប្រកួតចុងក្រោយ ដែលរៀបចំដោយ SCG ក្នុងរាជធានីភ្នំពេញ នៅចុងឆ្នាំនេះផងដែរ។ ចំណែកឯការប្រកួតផ្នែកប្រក់ដំបូលនឹងប្រព្រឹត្តទៅនៅរាជធានីភ្នំពេញ នៅខែធ្នូ ឆ្នាំ ២០១៨ នេះ។
សិក្ខាកាមដែលចូលរួម នឹងទទួលបានវិញ្ញាបនប័ត្របញ្ជាក់ការបណ្ដុះបណ្ដាលពីគម្រោងនេះ ខណៈដែលជយលាភីចុងក្រោយនឹងទទួលបានរង្វាន់ជាសាច់ប្រាក់ចំនួន ២ លានរៀល និងអាចចូលរួមដំណើរទស្សនកិច្ចអប់រំ ទៅកាន់ប្រទេសថៃ ដែលរៀបចំដោយក្រុមហ៊ុន SCG ផងដែរ។
ឯកឧត្តម ឡៅ ហ៊ីម ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានអប់រំ បណ្ដុះបណ្ដាលបច្ចេកទេស និងវិជ្ជាជីវៈ បានស្វាគមន៍ចំពោះគំនិតផ្ដួចផ្ដើមរបស់ក្រុមហ៊ុន SCG ។
ឯកឧត្តម បានមានប្រសាសន៍ថា៖ “គោលបំណងនៃការប្រកួតប្រជែងជំនាញនេះ ដើម្បីលើកទឹកចិត្តដល់ជាងសំណង់ក្នុងការអភិវឌ្ឍន៍ជំនាញក្នុងប្រទេសកម្ពុជាឲ្យឈានដល់កម្រិតអន្តរជាតិ តាមរយៈការប្រកួតប្រជែងជំនាញដោយប្រើប្រាស់នូវចំណេះដឹង ជំនាញពីការបណ្តុះបណ្តាល និងបទពិសោធន៍តាមការដ្ឋាន”៕
