Nex ល្បីពេក Suzuki ចេញត្រកូល Nex II ជំនាន់ថ្មី កូនកាត់ពីត្រកូល GSX

2018-11-08 03:01:57
ផលិតផលថ្មី

2018-11-08 03:01:57
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបរាងតូចច្រឡឹង Suzuki បាននាំម៉ូតូស៊េរីថ្មីមួយទៀតគឺត្រកូល Nex II ដែលអភិវឌ្ឍរូបរាងដូចត្រកូល Nex ដោយខុសគ្នាខាងក្រៅតិចតួចប៉ុណ្ណោះ។

Nex II ស៊េរីថ្មី ២០១៩ ដែលប្រើឈ្មោះចង់ច្រឡំគ្នានេះ បានច្របាច់រួមបញ្ចូលគ្នាពីរម៉ូដែល គឺ Suzuki GSX-R1000 និង GSX-R150 ដែលធ្វើឲ្យ Nex II មានលក្ខណៈប្លែកជាងម៉ូដែលមុននិងកាន់តែត្រូវចិត្តយុវវ័យ។

Suzuki nex ប្រភេទធម្មតា និង Suzuki nex II ស៊េរីឆ្នាំ ២០១៩

Suzuki Nex II ស៊េរីថ្មី ២០១៩ បំពាក់មកជាមួយកម្លាំងម៉ាស៊ីន ១១៥ សេសេ រួមជាមួយប្រព័ន្ធបេនសាំង FI ដែលជាបច្ចេកវិទ្យាថ្មីរបស់ Suzuki គឺ SEP (Suzuki Eco Performance) ដែលជួយឲ្យម៉ាស៊ីនកាន់តែស៊ីសាំងតិចជាងមុន។

លក្ខណៈពិសេស NEX II ដូចជា៖

ក្បាលចង្កៀងរចនាបែបស្ព័រ និងមានមុខកាត់ជ្រៅ។
រូបរាងទាំងមូលថ្មី ចង្កៀងមុខ ស្តុបក្រោយ រចនាថ្មីមានពន្លឺភ្លើច្បាស់ជាងមុន។
ឆ្អឹងតួម៉ូតូជាប្រភេទដែកថែបស្វិត ធ្វើឲ្យការបើកបរមានលំនឹង និងស្ថេរភាព។
ម៉ាស៊ីនមានកម្ពស់ពីផ្ទៃដី 150 mm កម្ពស់កែបទាបល្មមងាយស្រួលបើកបរ។
ឃ្លុបក្រោមកែប និងហោប៉ៅមុខពីរ ធំទូលាយជាងមុនមានភាពរឹងមាំ។
ហ្វ្រាំងបូមមុខមានទំហំធំជាងមុន និងម័រឌីស័រក្រោយ បូមរឹងអាចធន់និងទម្ងន់ធ្ងន់។
កុងទ័រថ្មីបែបស្ព័រ បែងចែកមុខងារជាបីផ្សេងគ្នាគឺ សញ្ញាភ្លើងហ្វា ភ្លើងសញ្ញាបច្ចេកទេស និងភ្លើងសញ្ញាឆ្វេងស្ដាំ។
ប្រព័ន្ធសោរប្រភេទ Shutter Key មានគម្រប់ការពាសុវត្តិភាព និងមិនជ្រាប់ទឹក។
រង្វង់កង់ធំល្មម ប្រភេទកាំបន្ទះបួនកាំ អមជាមួយស្ទឹកគ័រព័ន្ធជុំវិញ។

ជាមួយការអាប់ដេតថ្មីនិងរួមបញ្ចូលគ្នារវាង Suzuki GSX-R1000 និង GSX-R150 ម៉ូតូ Suzuki Nex II មានជម្រើសពណ៌ប្រាំគឺ៖ ពណ៌ស ពណ៌ខ្មៅ ពណ៌ក្រហម Mat Black និងពណ៌ថ្មីគឺ Mat Blue។ ប្រភពក្រុមហ៊ុនមិនទាន់បញ្ជាក់តម្លៃជាក់លាក់ទេ តែមានការបង្ហើយបថា ម៉ូតូ Nex ជំនាន់ថ្មីតម្លៃខ្ទង់ ២ ០០០ ដុល្លារ៕

អត្ថបទ៖ ម៉េងងី