- 2018-08-22 04:09:44
- ព័ត៌មាន
រកឃើញជើងខ្លាំងខាង បូកស៊ីម៉ងត៍ កំពុងត្រៀមយក ២លានចុងឆ្នាំនេះ
- 2018-08-22 04:09:44
- ចំនួនមតិ 0 | ចំនួនចែករំលែក 0
រកឃើញជើងខ្លាំងខាង បូកស៊ីម៉ងត៍ កំពុងត្រៀមយក ២លានចុងឆ្នាំនេះ
ចន្លោះមិនឃើញ
ជាងសំណង់ចំនួន ១២ រូបមកពីខេត្តកំពង់ធំ និងកំពង់ចាម បានចូលរួមនៅក្នុងការប្រកួតជុំជម្រុះថ្នាក់តំបន់ នៃកម្មវិធីប្រកួតជាងសំណង់របស់ក្រុមហ៊ុនអេសស៊ីជី (SCG) កាលពីពេលថ្មីៗ ហើយក្នុងនោះជយលាភី ដែលជាប់វគ្គជម្រុះ មានសិទ្ធិចូលរួមនៅក្នុងការប្រកួតថ្នាក់ជាតិ ដែលនឹងប្រារព្ធឡើងនៅចុងឆ្នាំនេះ។
ជយលាភីនៅឯខេត្តកំពង់ធំសម្រាប់ការប្រកួតផ្នែកបូកស៊ីម៉ង់ត៍ និងប្រើប្រាស់ក្បឿងអេសស៊ីជីក្នុងការប្រកួតប្រក់ដំបូលនោះ បានទៅលើក្រុមលោក ខាន់ តូ និង សេង សំណាង។ លោក ខាន់ តូ បានថ្លែងថា៖ “ទៅថ្ងៃអនាគត សង្ឃឹមថា ខ្ញុំនឹងក្លាយជាមេជាងដ៏ធំមួយប្រចាំខេត្តកំពង់ធំនេះ។ ខ្ញុំនឹងសូមផ្ដាំផ្ញើដល់ពុកម៉ែមីងមានៅខេត្តកំពង់ធំហ្នឹងសូមជួយគាំទ្រជាង តូផង ។ ជាងតូនឹងខំប្រឹងជួយធ្វើផ្ទះឲ្យកាន់តែស្អាតឥតខ្ចោះ។”
រាល់បេក្ខជនដែលចូលរួម នឹងទទួលបានវិញ្ញាបនបត្រពីកម្មវិធីបណ្ដុះបណ្ដាល ហើយក្រុមដែលទទួលជ័យជំនះសម្រាប់ការប្រកួតវគ្គផ្ដាច់ព្រ័ត្រ នឹងទទួលបានរង្វាន់ជាទឹកប្រាក់ ២ លានរៀល និងបានចូលរួមក្នុងដំណើរទស្សនកិច្ចអប់រំទៅកាន់ប្រទេសថៃ ដែលរៀបចំដោយក្រុមហ៊ុនអេសស៊ីជីផងដែរ។
បញ្ជាក់ថាបេក្ខជនត្រូវបានបែងចែកជា ៦ ក្រុម ដែលមួយក្រុមមានគ្នាពីរនាក់ ដោយត្រូវប្រកួតលើផ្នែកបូកស៊ីម៉ង់ត៍។ ការប្រកួតនេះបានធ្វើឡើងនៅឯដេប៉ូសំណង់ គីវ អៀង ដែលជាតំណាងចែកចាយរបស់ក្រុមហ៊ុនអេសស៊ីជីប្រចាំខេត្តកំពង់ធំ។
ការប្រកួតនេះ គឺជាផ្នែកមួយនៃកម្មវិធីបណ្ដុះបណ្ដាលជាងសំណង់ ផ្ដួចផ្ដើមដោយក្រុមហ៊ុនអេសស៊ីជី ដែលជាពហុសាជីវកម្មឈានមុខគេមួយនៅក្នុងតំបន់អាស៊ាន ដើម្បីផ្ដល់វគ្គបណ្ដុះបណ្ដាលដល់ជាងសំណង់លើការងារបូកស៊ីម៉ង់ត៍ និងការងារប្រក់ដំបូល ដែលការបណ្ដុះបណ្ដាលនេះប្រព្រឹត្តទៅនៅឯវិទ្យាស្ថានបណ្ដុះបណ្ដាលវិជ្ជាជីវៈពីរកន្លែងគឺ វិទ្យាស្ថានជាតិពហុបច្ចេកទេសកម្ពុជា (NPIC) និងវិទ្យាស្ថានអភិវឌ្ឍន៍មុខជំនាញ កម្ពុជា-ថៃ (CTSDI)។
លោក ពង់ថាណា ដេវីតាយ៉ាផន (Pongdhana Dejvittayaporn) នាយកផ្នែកលក់ និងទីផ្សាររបស់ក្រុមហ៊ុន អេសស៊ីជី បានឱ្យដឹងថា៖ "ការរីកចម្រើននូវជំនាញរបស់ជាងសំណង់ គួបផ្សំនឹងផលិតផល និងសម្ភារសំណង់ថ្មីៗ ដែលកំពុងដាក់លក់នៅលើទីផ្សារបច្ចុប្បន្ន ជាពិសេសគឺផលិតផល និងសម្ភារសំណង់ដែលមានគុណភាពពីអេសស៊ីជី មានន័យថា បទដ្ឋាន និងគុណភាពសំណង់នៅក្នុងប្រទេសកម្ពុជានឹងបន្តកើនឡើងជាប់ជានិច្ច"។
ការប្រកួតជម្រុះថ្នាក់តំបន់សម្រាប់ផ្នែកបូកស៊ីម៉ង់ត៍ កំពុងត្រូវបានរៀបចំនៅតាមបណ្ដាខេត្ត និងទីក្រុងនានាទូទាំងប្រទេសកម្ពុជា ដោយក្នុងនោះ ជ័យលាភីពីវគ្គជម្រុះតាមខេត្ត នឹងចូលរួមការប្រកួតវគ្គផ្ដាច់ព្រ័ត្រ ដែលរៀបចំដោយក្រុមហ៊ុនអេសស៊ីជី នៅរាជធានីភ្នំពេញ នាចុងឆ្នាំនេះ៕
អត្ថបទជាប់ទាក់ទង៖ ទំនើបណាស់! ចង់រកជាងសង់ផ្ទះឲ្យត្រូវចិត្ត គ្រាន់តែចុះឈ្មោះអនឡាញស្រេចបាត់
