ដំណឹងល្អសិស្សតិចណូ! មាន Internet ល្បឿនកប់ ប្រើ Free ពេញ ១ឆ្នាំ

2018-07-06 10:08:36
ព័ត៌មាន

2018-07-06 10:08:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អាគារទេពកោសល្យវិស្វកម្ម សម្ដេច ហ៊ុន សែន រួមមានបរិវេណបណ្ណាល័យ និងទីតាំងអនុវត្តគម្រោង Techno Incubation Space របស់វិទ្យាស្ថានបច្ចេកវិទ្យាកម្ពុជា (តិចណូ) នឹងមានអ៊ីនធឺណិតល្បឿនលឿនប្រើពេញមួយឆ្នាំ ដោយក្រុមហ៊ុន EZECOM ជាអ្នកផ្គត់ផ្គង់ឲ្យ។

អ៊ីនធឺណិតបើកឲ្យប្រើសម្រាប់ក្រុមការងារ Techno Incubation Space សាស្ត្រាចារ្យ និងនិស្សិតទាំងអស់ដែលចេញចូលបណ្ណាល័យនេះ មានល្បឿន 120 Mbps (កម្រិតគុណភាពខ្ពស់បំផុត) ដោយមានតម្លៃ ១ម៉ឺនដុល្លារ។

លោក Paul Blanche-Horgan អគ្គនាយក EZECOM បាននិយាយថា៖ “EZECOM តែងចូលរួមចំណែកជំរុញការអភិវឌ្ឍធនធានមនុស្សនៅកម្ពុជា ពិសេសក្នុងវិស័យបច្ចេកវិទ្យាជាច្រើនឆ្នាំមកហើយ ហើយខ្ញុំជឿថា ការឧបត្ថម្ភសេវាអ៊ីនធឺណិតល្បឿនលឿននេះ នឹងផ្ដល់សារប្រយោជន៍ច្រើនដល់សិស្ស និស្សិត និងអ្នកពាក់ព័ន្ធដទៃទៀត”។

បច្ចុប្បន្ន គម្រោង Techno Incubation Space កំពុងរៀបចំសិក្ខាសាលា និងវគ្គបណ្ដុះបណ្ដាល ពីគម្រោងអាជីវកម្ម និងសហគ្រិនភាពរយៈពេល ១០សប្តាហ៍ ដល់ក្រុមនិស្សិតច្រើននាក់ ដោយបង្ហាត់ផ្ទាល់ពីអ្នកជំនាញ ក្រោមកិច្ចជ្រោមជ្រែងរបស់ក្រសួងអប់រំ យុវជន និងកីឡា ព្រមទាំងក្រុមហ៊ុនដៃគូ៕