- 2018-06-26 06:55:23
- ព័ត៌មាន
ដើម្បីឲ្យកាន់តែជិតអ្នកប្រើប្រាស់ ភ្នាក់ងាររបស់ Wing បន្ថែមមុខងារសំខាន់២
- 2018-06-26 06:55:23
- ចំនួនមតិ 0 | ចំនួនចែករំលែក 0
ដើម្បីឲ្យកាន់តែជិតអ្នកប្រើប្រាស់ ភ្នាក់ងាររបស់ Wing បន្ថែមមុខងារសំខាន់២
ចន្លោះមិនឃើញ
ដោយមើលឃើញពីភាពជោគជ័យនៃសេវាកម្មហិរញ្ញវត្ថុចល័ត ធនាគារឯកទេស Wing បានផ្លាស់ប្តូរភ្នាក់ងារ Wing Point ដែលផ្ដល់សេវាកម្មបញ្ចូលលុយទូរសព្ទ និងទូទាត់វិក្កយបត្រ ទាំង ២០០០ នាក់ ទៅជា Wing Mini ចាប់ពីថ្ងៃនេះតទៅ ជាមួយសេវាកម្ម ២ បន្ថែម គឺការបង្កើតគណនី និងដាក់ប្រាក់ចូលគណនី Wing លើកលែងសេវាកម្មផ្ទេរប្រាក់។
Wing Mini គឺជាភ្នាក់ងារតូច ដែលផ្ដោតលើសេវាកម្មបញ្ចូលទឹកប្រាក់ទូរសព្ទ បង់វិក្កយបត្រទឹកភ្លើង ប្រាក់កម្ចី បើកគណនី និងដាក់ប្រាក់ចូលគណនី Wing។ ភ្នាក់ងារនេះ អាចមាននៅតូបលក់ទំនិញជិតខាងផ្ទះរបស់អ្នក ជាមួយការផ្ដល់សេវាកម្មហិរញ្ញវត្ថុចល័តទូទៅ ។
លោក ចូចូ ម៉ាឡូឡូស អគ្គនាយកធនាគារឯកទេស Wing បានថ្លែងអំណរគុណដល់ភ្នាក់ងារ Wing Mini ទាំងអស់សម្រាប់កិច្ចខិតខំប្រឹងប្រែង ក្នុងការផ្តល់សេវាហិរញ្ញវត្ថុតាមទូរសព្ទចល័ត ទោះបីជាពួកគេរកបានចំណូលតិចតួចពីរបរលក់ទំនិញតូចតាចនៅពីមុខផ្ទះ ឬនៅតាមផ្លូវសាធារណៈជាដើម។ នេះវាជាទំនួលខុសត្រូវរបស់ Wing ក្នុងការធានាថាដៃគូអាជីវកម្មរីកចម្រើនជាមួយគ្នា ហើយ Wing Mini គឺជាឧទាហរណ៍មួយក្នុងចំណោមឧទាហរណ៍ជាច្រើន"។
ស្របពេលសេវាថ្មីនេះកើតឡើង ភ្នាក់ងារដែលធ្លាប់មានស្រាប់ដូចជា Wing Express នឹងនៅតែជាទីតាំងផ្ដល់សេវាកម្មផ្ទេរប្រាក់ ទទួលប្រាក់គ្រប់ទីកន្លែងទូទាំងប្រទេស ខណៈ Wing Mini នឹងនៅជិតលោកអ្នក ដើម្បីសម្រួលដល់ការបង់ថ្លៃវិក្កយបត្រ ទឹកភ្លើង អ៊ីនធឺណិត ខ្សែកាប និងថ្លៃចំណាយជាច្រើនទៀត។
Wing Mini ក៏មានផ្ដល់សេវាបង់ប្រាក់កម្ចីជូនគ្រឹះស្ថានមីក្រូហិរញ្ញវត្ថុ ធនាគារ ក្រុមហ៊ុនធានារ៉ាប់រង និងអាជីវកម្មនានាក្នុងប្រទេស។ អតិថិជនក៏អាចបើកគណនី Wing តាមរយៈ Wing Mini គ្រប់ពេលដែលចង់ប្រើប្រាស់គណនី Wing ដើម្បីធ្វើប្រតិបត្តិការផ្សេងៗ។ សម្រាប់អ្នកដែលមានគណនី Wing និងគណនីគ្មានកាត ក៏អាចស្វែងរកសេវាដាក់ប្រាក់ពី Wing Mini ផងដែរ៕
