រូបភាពថ្មីនៃ iPhone ទាំង ៣ គ្រឿង ចេញឆ្នាំ ២០១៨ នេះ

2018-06-04 03:34:50
ព័ត៌មាន

2018-06-04 03:34:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាក់ទងនឹងពាក្យចចាមអារ៉ាមថា Apple នឹងប្រកាសចេញ iPhone ថ្មីដល់ទៅ ៣ ម៉ូដែលនៅឆ្នាំ ២០១៨ នេះ វិបសាយរុស្សីមួយឈ្មោះ Wylsa.com ក៏បង្ហាញរូបគំនូរបំព្រួញ និង Render ដែលបង្ហាញពីរូបរាង iPhone ចេញឆ្នាំ ២០១៨ នេះ។

វិបសាយខាងលើបានបញ្ចេញរូបគំនូរបំព្រួញចំនួនពីរ ដោយមួយសម្រាប់ iPhone ប្រើអេក្រង់ OLED ទំហំ ៦,៥ អ៊ីញ ដែលមានកាមេរ៉ាភ្លោះនៅផ្នែកខាងក្រោយ និងមួយទៀតសម្រាប់ iPhone ប្រើអេក្រង់ LCD ទំហំ ៦,១ អ៊ីញមានកាមេរ៉ាតែមួយគ្រាប់ និងមានតម្លៃធូរថ្លៃ។

ផ្អែកតាមរូបគំនូរបំព្រួញដែលវិបសាយខាងលើអះអាងថាទទួលបានពីក្រុមហ៊ុនផលិតសម្បក (Case) ឲ្យដឹងថា iPhone អេក្រង់ទំហំ ៦,៥ អ៊ីញ មានវិមាត្រ ៧៧,៤១ x ១៥៧,៥៣ x ៧,៦៨ ម.ម និង មួយទៀតមានវិមាត្រ ៧៥,៧២x ១៥០,៩១ x ៨,៣២ ម.ម។

រូបគំនូរបំព្រួញសម្រាប់ iPhone មួយម៉ូដែលទៀតដែលប្រើអេក្រង់ OLED ទំហំ ៥,៨ អ៊ីញ មិនត្រូវបានបង្ហាញនោះទេ ប៉ុន្តែគេជឿជាក់ថាវានឹងមានរូបរាងដូចគ្នាបេះបិតទៅនឹង iPhone X ដែលចេញឆ្នាំ ២០១៧។

ខាងក្រោមនេះជារូបភាព Render បង្កើតឡើងផ្អែកតាមរូបគំនូរបំព្រួញថ្មីចុងក្រោយ និងរូបរាង iPhone X ឆ្នាំ ២០១៧ ៖