Cambodia ICT Award 2018 ពន្យារពេលទទួលពាក្យ អ្នកមិនទាន់ដាក់ប្រញាប់ឡើង!

2018-05-24 02:05:00
ព័ត៌មាន

2018-05-24 02:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងប្រៃសណីយ៍ និងទូរគមនាគមន៍ បានប្រកាសជូនដំណឹងថា កម្មវិធីប្រកួតប្រជែងពានរង្វាន់បច្ចេកវិទ្យា គមនាគមន៍ និងព័ត៌មានកម្ពុជា ២០១៨ (Cambodia ICT Awards) នឹងធ្វើការពន្យារពេលទទួលពាក្យចុះឈ្មោះចូលរួមប្រកួតរហូតដល់ថ្ងៃ ៧ ខែមិថុនា ២០១៨។ ហេតុដូច្នេះ បេក្ខជន ឬក្រុមហ៊ុន អាចបន្តបំពេញពាក្យដើម្បីចុះឈ្មោះចូលរួមប្រកួតបាន។

*ចុចទីនេះ ដើម្បីចុះឈ្មោះ

ពានរង្វាន់នេះបេក្ខជន ឬក្រុមហ៊ុនអាចដាក់ពាក្យប្រកួតប្រជែងក្នុងវិស័យចំនួន៦ រួមមាន៖

១-ការចាប់ផ្ដើមធុរកិច្ច
២-មាតិកាឌីជីថល
៣-វិស័យឯកជន
៤-ការទទួលខុសត្រូវក្នុងសង្គម
៥-វិស័យសាធារណៈ
៦-ការស្រាវជ្រាវ និងអភិវឌ្ឍន៍។

សម្រាប់ម្ចាស់ជ័យលាភី ដែលទទួលចំណាត់ទាំងបី និងទទួលបានរង្វាន់សរុបចំនួន ១៥,០០០ ដុល្លារអាមេរិក ក្នុងនោះចំណាត់ថ្នាក់លេខ ១ នឹងទទួលបាន ១០,០០០ដុល្លារ ឯចំណាត់ថ្នាក់លេខ ២ ទទួលបាន ៣,០០០ដុល្លារ និងចំណាត់ថ្នាក់លេខ៣ ទទួលបាន ២,០០០ដុល្លារអាមេរិកផងដែរ។

ជយលាភី Cambodia ICT Awards ឆ្នាំ ២០១៧

រំឭកដែរថា កម្មវិធីពានរង្វាន់ ICT អាស៊ាន ឆ្នាំ២០១៧ កាលពីឆ្នាំ ២០១៧ មានបេក្ខជនចំនួន ១២ រូប ទទួលបានឱកាសចូលរួមដែលត្រូវបានរៀបចំឡើងនៅខេត្តសៀមរាប ក្នុងនោះក្រុមរបស់កម្ពុជាចំនួន ៣ បានទទួលបានមេដាយមាសបី ក្នុងពានរង្វាន់ ICT អាស៊ាន គឺក្រុមហ៊ុន BookmeBus ក្នុងវិស័យការបង្កើតធុរកិច្ច កម្មវិធី Bong Pheak ក្នុងវិស័យការទទួលខុលត្រូវក្នុងសង្គម និង Sokhakrom ក្នុងវិស័យឯកជន។

ចំណែក Cambodia ICT Award ជយលាភីមេដាយមាសបានលើក្រុម DirexPlay ដែលបង្កើតគម្រោង Jailbreak The Game, មេដាយប្រាក់បានលើវិទ្យាស្ថានបើកទូលាយ (Open Institute) ដែលបង្កើតគម្រោង Bong Pheak និងមេដាយសំរិទ្ធិបានលើគម្រោងប្រព័ន្ធចុះបញ្ជីរថយន្តស្វ័យប្រវត្តិរបស់ក្រសួងសាធារណការនិងដឹកជញ្ជូន៕

អានអត្ថបទបន្ត៖

អត្ថបទ៖ រក្សា