មានអ្នកចេញមុខប្រកាស Jailreak iOS 11.3.1 បានដោយជោគជ័យ

2018-05-02 02:50:21
ព័ត៌មាន

2018-05-02 02:50:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Tencent Keen Security Lab បានប្រកាសនូវភាពជោគជ័យលើការ Jailbreak ប្រព័ន្ធប្រតិបត្តិការ iOS 11.3.1 ជាផ្លូវការក្នុងសន្និសីទ Infiltrate Security នៅទីក្រុង Miami រដ្ឋ Florida សហរដ្ឋអាមេរិកកាលពីចុងសប្តាហ៍មុន។

នាយកប្រតិបត្តិនៃក្រុមហ៊ុន Immunity, Inc លោក Dave Aitel បានប្រកាសពីការ Jailbreak ពេញលេញលើកំណែ iOS ថ្មី ហើយលោក Liang Chen សមាជិកក្រុម Keen ក៏បង្ហោះផ្សាយដូចគ្នានូវផ្ទាំង Screenshot ទូរសព្ទ iPhoen X ដំណើរការកម្មវិធី Cydia លើ iOS 11.3.1 ទៅលើបណ្តាញសង្គម Twitter ជាមួយពាក្យសម្តីបែបនេះថា៖ "ជាម្តងទៀតសូមអរគុណដល់ @daveaitetl និង @Infiltratecon សម្រាប់ការទទួលដ៏កក់ក្តៅនៅទីក្រុង Miami ហើយនេះក៏ជាសន្និសីទប្រព័ន្ធសុវត្ថិភាពធំបំផុតក្នុងទ្វីបមួយនេះ"។

បញ្ជាក់ថាក្រុម Tencent Keen Securtiy Lab ទើបតែបង្កើតឡើងបានជាង ២ ឆ្នាំនៅអំឡុង ខែ មករា ឆ្នាំ ២០១៦ ដោយក្រុមនេះផ្តោតសំខាន់ទៅលើការស្រាវជ្រាវប្រព័ន្ធសុវត្ថិភាពនៃប្រព័ន្ធប្រតិបត្តិការលើកុំព្យូទ័រនិងទូរសព្ទ ក៏ដូចជាកម្មវិធី, ឧបករណ៍ឆ្លាតវៃ IOT, សេវាកម្ម Cloud ជាដើម។