ឆ្នាំ ២០១៧ ចំនួនលក់ស្មាតហ្វូនរបស់ចិនធ្លាក់ចុះខ្លាំង មិនធ្លាប់មានក្នុងប្រវត្តិសាស្រ្ត

2018-01-27 02:12:42
ព័ត៌មាន

2018-01-27 02:12:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពពីក្រុមការងារ Canalys បានបង្ហាញតួលេខទីផ្សារលក់ចេញស្មាតហ្វូនក្នុងឆ្នាំ ២០១៧ នៅប្រទេសចិន។ ជាការធ្លាក់ចុះលើកដំបូងបង្អស់មិនធ្លាប់មាន រហូតដល់ ៤ ភាគរយ ធៀបនឹងឆ្នាំ ២០១៦ ខណៈឆ្នាំនេះប្រទេសចិនលក់ស្មាតហ្វូនបានតែ ៤៥៩ លានគ្រឿង។

តួលេខនៃត្រីមាសទី ៤ ជាហេតុផលធ្វើឲ្យមានការធ្លាក់ចុះខ្លាំងបំផុត ដល់ទៅ ១៤ ភាគរយធៀបនឹងពេលដដែលកាលពីឆ្នាំទៅ។ តំណែងលេខ ១ យកបានដោយក្រុមហ៊ុន Huawei ស្ថិតក្នុងត្រីមាសចុងក្រោយខ្លួនលក់បាន ២៤ លានគ្រឿង ឈរលើ Oppo មាន ១៩ លានគ្រឿង តាមដោយ VIVO មាន ១៧ លានគ្រឿង និងលេខ ៤ ធ្លាក់លើក្រុមហ៊ុនអាមេរិក Apple។

ក្រុមហ៊ុន ២ ដែលរងផលប៉ះពាល់ខ្លាំងបំផុតគឺ Meizu និង Gionee ដោយឆ្នាំ ២០១៨ ក៏ត្រូវបានគេប៉ាន់ប្រមាណអាចធ្លាក់ចុះកាន់តែខ្លាំង ស្របពេល Lenovo និង ZTE បានបង្វែរមកក្រឡុកទីផ្សារក្នុងស្រុក ផ្សំគោលបំណងឆ្មក់យកតំណែង Top 5។