- 2017-08-16 02:40:48
- ព័ត៌មាន
និស្សិតមួយក្រុម នាំគ្នានិយាយពីការជ្រើសរើសមុខវិជ្ជាសិក្សានៅសាកលវិទ្យាល័យ
- 2017-08-16 02:40:48
- ចំនួនមតិ 0 | ចំនួនចែករំលែក 0
និស្សិតមួយក្រុម នាំគ្នានិយាយពីការជ្រើសរើសមុខវិជ្ជាសិក្សានៅសាកលវិទ្យាល័យ
ចន្លោះមិនឃើញ
គួរសម្រេចចិត្តរៀនមុខវិជ្ជាអ្វីបន្ទាប់ពីបញ្ចប់ថ្នាក់ទី១២។ ជាការពិតណាស់ការសម្រេចចិត្តជ្រើសរើសមុខវិជ្ជាសិក្សាពិតជាពិបាក ប្រសិនបើមិនបានដឹងព័ត៌មានអំពីសាលានិងមុខវិជ្ជាដែលយើងចង់សិក្សាឲ្យបានច្បាស់លាស់ហើយមានការអូសទាញពីមិត្តភ័ក្ដិឬមិនពេញចិត្តពីគ្រួសារ។
តើយើងគួរសម្រេចចិត្តបែបណា? ត្រូវស្វែងយល់ពីកត្តាអ្វីខ្លះ? ដើម្បីសម្រេចចិត្តជ្រើសមុខវិជ្ជាដែលខ្លួនពេញចិត្តហើយត្រូវទៅតាមតម្រូវកាទីផ្សារការងារនាពេលបច្ចុប្បន្ន។
តោះ!ទៅស្ដាប់ការសម្រេចចិត្តជ្រើសរើសមុខវិជ្ជាសិក្សារបស់និស្សិតដែលកំពុងសិក្សានៅទីក្រុងភ្នំពេញ។
មកពីខេត្តកំពង់ធំមាឌតូចសម្បុរសណ្ដែកបាយញញឹមស្រស់កំពុងអង្គុយជុំគ្នាពីរបីនាក់នៅពីមុខសាលាសកលវិទ្យាល័យជាតិគ្រប់គ្រង បឿន ប៉ុណ្ណារុង ជានិស្សិតឆ្នាំទី១ដែលកំពុងសិក្សានៅសាកលវិទ្យាល័យជាតិគ្រប់គ្រងលើមុខជំនាញគ្រប់គ្រង បានប្រាប់មកកាន់ Sabay ថា ការសម្រេចចិត្តរៀនមុខវិជ្ជានេះក៏ព្រោះលោកមានចិត្តស្រលាញ់និងចង់ក្លាយខ្លួនទៅជាអ្នកដឹកនាំ។
ដោយមានហេតុផលច្បាស់ៗ យុវជននេះថាមិនចង់ធ្វើជាកូនចៅគេទេ។ រុងក៏សង្កេតឃើញបច្ចុប្បន្នប្រទេសកម្ពុជាកំពុងតែត្រូវការអ្នកមានជំនាញនេះដើម្បីគ្រប់គ្រង់បុគ្គលិក ដូច្នេះហើយទើបបលោកសម្រេចចិត្តរៀនមុខវិជ្ជានេះតែម្ដងទៅ។ ខុសពីប៉ុណ្ណារុង ម៉េងអ័ន ដែលកំពុងសិក្សាជំនាញវិស្វកម្មជីវសាស្ត្រនៃសាកលវិទ្យាល័យភូមិន្ទភ្នំពេញឆ្នាំទី២ បានលើកពីមូលហេតុដែលសម្រេចចិត្តជ្រើសរើសយកជំនាញវិស្វកម្មជីវសាស្ត្រ ពីព្រោះគិតថា ជំនាញនេះពុំសូវមានអ្នកសិក្សាច្រើនហើយប្រទេសកម្ពុជាក៏កំពុងតែត្រូវការអ្នកដែលមានជំនាញនេះច្រើនដើម្បីបំពេញតម្រូវការការងារ។
ម៉េងអ័ន បន្តថា គេពេញចិត្តជំនាញដែលបានជ្រើសរើសនេះ និងក៏ដោយសារពុំមានការរារាំងពីឪពុកម្ដាយផងនោះ ទើបបានសម្រេចចិត្តរៀនមុខវិជ្ជានេះតែម្ដងទៅ។
លោកក៏បានផ្ដាំទៅដល់ប្អូនៗដែលចង់រៀនបន្តនៅទីក្រុងភ្នំពេញគួរជ្រើសរើសរកសាលាឬមុខវិជ្ជាដែលខ្លួនពេញចិត្តទើបល្អសម្រាប់ខ្លួនមិនត្រូវរៀនតាមការសម្រេចចិត្តរបស់ឪពុកម្ដាយឬនរណាម្នាក់អូសទាញទ្បើយ។
ក្រឡេកមកមើលនិស្សិតស្រីម្នាក់សូមមិនបញ្ចេញឈ្មោះសព្វថ្ងៃកំពុងធ្វើការបណ្តើររៀនបណ្តើរបានប្រាប់ថា កញ្ញាជ្រើសរើសជំនាញ Bussnese ព្រោះជាមុខវិជ្ជាដែលនាងអាចបើកមុខជំនួញដោយខ្លួនឯងហើយនៅពេលបញ្ចប់ការសិក្សានាងមានគម្រោងបើកមុខជំនួញផ្ទាល់ខ្លួនក្រោយពីបញ្ចប់ការសិក្សាព្រោះនាងគិតថាការធ្វើការងារខ្លួនឯងឆាប់ទទួលបានប្រាក់ច្រើនមិនដូចធ្វើការងារឲ្យគេទទួលបានប្រាក់ខែតិចហើយពុំសូវមានពេលទំនេរ។
ចំណែកឯកញ្ញា តែង រចនា ជានិស្សិតឆ្នាំទី២សិក្សាផ្នែកគណនេយ្យនៅវិទ្យាស្ថានវាន់ដានិយាយផងសើចផងបានប្រាប់មកកាន់ Sabay ថាមូលហេតុកញ្ញាសិក្សាផ្នែកនេះក៏ព្រោះមានការជំរុញ ពីរម៉ាក់ប៉ាគួបផ្សំមានចិត្តស្រលាញ់ផងដែរ. កញ្ញាសម្រេចចិត្តរៀនមុខវិជ្ជាគណនេយ្យព្រោះកញ្ញា គិតថាវាគឺជាមុខវិជ្ជាដែលស័ក្ដិសមនឹងស្រីៗនឹងងាយរកការងារធ្វើ។
ជាចុងក្រោយកញ្ញាបានផ្ដាំទៅដល់ប្អូនៗដែលត្រៀមប្រលងសញ្ញាប័ត្រទុតិយភូមិនាពេលខាងមុខនេះត្រូវសម្រេចចិត្តឲ្យបានច្បាស់លាស់មុនពេលសិក្សាជំនាញអ្វីមួយ។ ត្រូវស្វែងយល់បានច្បាស់អំពីព័ត៌មានសាលា ឬអាចសួរមិត្តភ័ក្ដិដែលមានបងប្អូនរៀននៅភ្នំពេញជៀសវាងពេលរៀនហើយមិនពេញចិត្តសាលាឬមុខវិជ្ជានេះធ្វើអោយខាតពេលវេលាប្រាក់កាក់។
