- 2016-12-21 07:36:26
- ប្រវត្តិបច្ចេកវិទ្យា
ស្ថាបនិកក្រុមហ៊ុនដ៏ល្បី Yahoo មានកំណើតមកពីអាស៊ី
- 2016-12-21 07:36:26
- ចំនួនមតិ 0 | ចំនួនចែករំលែក 0
ស្ថាបនិកក្រុមហ៊ុនដ៏ល្បី Yahoo មានកំណើតមកពីអាស៊ី
ចន្លោះមិនឃើញ
ក្រុមហ៊ុនល្បីៗលើពិភពលោក ភាគច្រើនបង្កើតឡើងដោយជនជាតិស្បែកសដូចជាអាមេរិក និងអឺរ៉ុប និងមិនសូវមានជនជាតិអាស៊ីស្បែកលឿងនោះទេ។ ដោយឡែកក្រុមហ៊ុន Yahoo ដែលជាក្រុមហ៊ុនបច្ចេកវិទ្យាដ៏ធំមានមូលដ្ឋានធំនៅអាមេរិក ស្ថាបនិកបង្កើតក្រុមហ៊ុនយក្សនេះជាជនជាតិអាមេរិកតែមានដើមកំណើតមកពីតំបន់អាស៊ី។
ពាក់វ៉ែនតាក្នុងទឹកមុខញញឹមស្រស់ស្រាយ លោក Jerry Yang ជាជនជាតិអាមេរិក ដែលមានដើមកំណើតកើតនៅតៃវ៉ាន់។ លោកកើតនៅថ្ងៃទី៦ ខែ វិច្ឆិកា ឆ្នាំ១៩៦៨។ បុរសអាយុ ៤៤ឆ្នាំរូបនេះគឺជាអ្នកជំនួញ ដែលបានបង្កើតក្រុមហ៊ុន Yahooជាមួយដៃគូជាសហស្ថាបនិករបស់លោកគឺ David Filoនៅថ្ងៃទី១ ខែមីនា ឆ្នាំ១៩៩៥។
ជីវិត និង ការសិក្សា៖
Yang កើតលើកោះតៃវ៉ាន់នៅថ្ងៃទី៦ ខែវិច្ឆិកា ឆ្នាំ១៩៦៨។ ពេលមានអាយុ ១០ឆ្នាំ លោកបានផ្លាស់ទៅរស់នៅក្នុងទីក្រុង San Jose រដ្ឋ California ជាមួយម្ដាយ និងប្អូនប្រុសរបស់លោក។ នៅអាមេរិកដំបូង លោកចេះតែពាក្យអង់គ្លេសមួយម៉ាត់គត់រហូតដល់រយៈពេល ៣ ឆ្នាំ ទើបភាសាអង់គ្លេសរបស់លោកអាចនិយាយបានស្ទាត់ជំនាញ។
លោកបានបញ្ចប់អនុវិទ្យាល័យ Sierranmont , វិទ្យាល័យ Piedmont Hills បន្ទាប់មករៀនបរិញ្ញាបត្រ និងអនុបណ្ឌិតផ្នែកវិស្វករអគ្គិសនីនៃសាកលវិទ្យាល័យ Stanford។
ការងារ៖
ខណៈពេលរៀននៅ Stanford លោក Yang និង David Filo បានបង្កើតគេហទំព័រ Internet មួយឈ្មោះ Jerry and Dave’s Guide ក្នុងឆ្នាំ១៩៩៤។ ក្រោយមកបានដាក់ឈ្មោះ Yahoo! ក្នុងឆ្នាំ១៩៩៥ ភាពល្បីល្បាញរបស់ Yahoo! ក៏ចាប់ផ្ដើមមានតាំងពីពេលនោះមក។
តំណែង CEO របស់ Yahoo!
លោក Yang ធ្វើជានាយកប្រតិបត្តិ (CEO) របស់ Yahoo! ក្នុងចន្លោះខែមិថុនា ឆ្នាំ២០០៧ ដល់ខែមករា ឆ្នាំ២០០៩ ប៉ុន្តែត្រូវវិនិយោគិនជាច្រើនបានរិះគន់យ៉ាងខ្លាំងលើការមិនបង្កើនប្រាក់ចំណូល និងតម្លៃភាគហ៊ុន។ Yahoo! បានតែងតាំងលោកស្រី Carol Bartz ជា CEO ថ្មីនៅថ្ងៃទី១៣ ខែមករា ឆ្នាំ២០០៩។ ប្រាំថ្ងៃក្រោយមកលោក Yang បានប្រកាសលាលែងនៅថ្ងៃទី១៧ ខែមករា ឆ្នាំ ២០០៩។
បន្ទាប់ពីចាកចេញពី Yahoo លោកធ្វើជាអ្នកពិគ្រោះយោបល់សម្រាប់ក្រុមហ៊ុនបច្ចេកវិទ្យាថ្មីៗ តាមរយៈក្រុមហ៊ុនរបស់លោក AME Cloud Ventures និងតួនាទីជាសមាជិកក្រុមប្រឹក្សាភិបាលរបស់ក្រុមហ៊ុន Alibaba៕
