VGA ជាប់និង VGA ដាច់ ប្រយោជន៍ប្រើប្រាស់ខុសគ្នាដាច់

2015-05-11 18:21:19
ព័ត៌មាន

2015-05-11 18:21:19
ចំនួនមតិ 0 | ចំនួនចែករំលែក 0

ចន្លោះមិនឃើញ

VGA មានន័យថា Video Graphic Array ជាផ្នែកមួយនៃកុំព្យូទ័រដែលប្រើសម្រាប់បង្ហាញរូបភាពមកលើអេក្រង់របស់កុំព្យូទ័រ។ VGA ចែកចេញជាពីរប្រភេទគឺ VGA ជាប់ និង VGA ដាច់ដែលមានលក្ខណៈសម្បត្តិនិងការប្រើប្រាស់ខុសពីគ្នា។ តើអ្វីជាVGA ជាប់ និង VGA ដាច់ មានភាពខុសគ្នាដូចម្ដេចខ្លះ?

លោក លី សុខប៉ង់ អ្នកជំនាញគ្រឿងបន្លាស់កុំព្យូទ័របានបកស្រាយថា VGA ជាប់គឺជាVGA ដែលមកស្រាប់ជាមួយនឹង Mother boardរបស់កុំព្យូទ័រ។ ផ្ទុយទៅវិញVGAដាច់គឺជាប្រភេទVGAដែលត្រូវបានគេបន្ថែមទៅលើMother board ហើយវាអាស្រ័យទៅលើប្រភេទ Mother boardផងដែរMother board ខ្លះគឺមិនអាចបន្ថែមVGAបានទេ។

លោកបញ្ជាក់ថា ចំណុចពិសេសរវាង VGA ទាំងពីរប្រភេទនេះ គឺ VGAដាច់អាចធ្វើការបញ្ជូនរូបភាពបានលឿនជាងVGA ជាប់។

លោកបានបន្តថា ប្រសិនបើអ្នកប្រើប្រាស់កុំព្យូទ័រដោយគ្រាន់តែធ្វើការវាយឯកសារឬលេងអ៊ីនធឺណិតទេនោះ មិនចាំបាច់ធ្វើការបន្ថែម VGA ដាច់នោះទេព្រោះត្រឹមតែ VGAជាប់ កុំព្យូទ័រអាចបង្ហាញរូបភាពបានយ៉ាងល្អ។ តែបើការប្រើប្រាស់ដែលទាក់ទងការងារធំៗដូចជាត្រូវកាត់តរូបភាព រឺ វីដេអូ និងលេងហ្គេមបែប3D គួរតែធ្វើការបន្ថែម VGA ដាច់មួយទៀតដើម្បីអាចធ្វើការបានយ៉ាងរលូនគ្មានភាពរអាក់រអួល។

បន្ទាប់ពីបានធ្វើការបកស្រាយរួច តើប្រិយមិត្តនៅមានចម្ងល់អ្វីផ្សេងទៀតទាក់ទងនឹងVGA នេះ?

បន្តអាន៖ មើលម៉េចដឹងថា កុំព្យ័ទ័រប្រើ VGA ដាច់ឬជាប់ទៅ?

អត្ថបទ៖ ហៃ សុខហេង