ក្រុមហ៊ុន Tesla បាន​ផលិត​រួចរាល់​ហើយ​នូវរថយន្តអគ្គិសនី Cybertruck ដែល​មានរូបរាងថ្មីដំបូងបំផុត​ និងបានដាក់​បង្ហាញ​ កាលពីថ្ងៃទី១៥ ខែកក្កដា ឆ្នាំ​២០២៣ នៅរោងចក្រ​របស់ខ្លួន​ក្នុងរដ្ឋ Texas បន្ទាប់ពី​ពន្យារពេល ២ឆ្នាំមក។

ភ្លាមៗ​បន្ទាប់ពី​រូបភាព​នេះ​ ត្រូវបាន​បង្ហោះ​នៅលើ​បណ្តាញ​ទ្វីតធើ​របស់​ Tesla គឺ​ក្រុមហ៊ុន​នេះ​ស្រាប់តែ​ទទួល​បាន​បញ្ជាទិញ​បន្ថែមដល់ ១៥ម៉ឺនគ្រឿង​ឯណោះ។

យ៉ាងណាមិញ Tesla មិនបាន​បញ្ជាក់​ពី​ Spec របស់​រថយន្ត​នេះ​នៅឡើយទេ។ តាម​ព័ត៌មាន​មួយចំនួន​ឱ្យដឹងថា រថយន្ត Cybertuck នឹង​មាន​ជម្រើស option ចំនួន៤។ ក្នុងនោះ៖

១. ប្រើម៉ូទ័រអគ្គិសនី១ និងអាចធ្វើដំណើរ​បាន​ដល់​ចម្ងាយ ៤០០គីឡូម៉ែត្រ​ពេលសាកពេញ។

២. ប្រើ​ម៉ូទ័រអគ្គិសនី​២ និង​អាចធ្វើដំណើរបាន​ដល់​ចម្ងាយ ៤៨០គីឡូម៉ែត្រ ពេល​សាកពេញ។

៣. ប្រើម៉ូទ័រ៣អគ្គិសនី៣ និង​អាច​ធ្វើដំណើរបាន​ដល់ចម្ងាយ ៨០០គីឡូម៉ែត្រ ពេលសាកពេញ។

៤. ប្រើម៉ូទ័រអគ្គិសនី៤ និង​អាចធ្វើដំណើរបានដល់​ចម្ងាយ ១០០០គីឡូម៉ែត្រ ពេលសាកពេញ។

សូម​រំលឹក​ថា រថយន្ត Cybertruck ត្រូវបានលោក Elon Musk ប្រកាស​ចេញលើក​ដំបូង​​នៅក្នុងឆ្នាំ​២០១៩ ហើយគ្រោងផលិត​កាលពីឆ្នាំ​២០២១។ ប៉ុន្តែ​ដោយសារការផ្ទុះ​រីករាលជំងឺកូវីដ១៩ ទើប​ត្រូវពន្យារពេល​ផលិត៕