• 2023-03-03 07:28:26
  • គន្លឹះ

ប៊ូតុងចំនួន៧ក្នុងរថយន្ត មិនត្រូវច្រលំ​បិទបើក​ដាច់ខាត

  • 2023-03-03 07:28:26
  • ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់​រថយន្ត​ជជុះស៊េរីចាស់ៗ មិនសូវមាន​ប៊ុតុង​ក្នុងរថយន្តច្រើនឡើយ ព្រោះវាមិនមានបំពាក់​បច្ចេកវិទ្យា ឬឧបករណ៍អ្វីច្រើននោះទេ។ ប៉ុន្តែ​សម្រាប់​រថយន្តស៊េរីថ្មីៗ គឺមានប៊ូតុងច្រើន ដែល​ធ្វើឱ្យអ្នកបើកបរ ពេលខ្លះច្រលំចុចទាំងមិនដឹងខ្លួន។ ដូច្នេះ អ្នកបើកបរទាំងអស់​ គួរគប្បី​ត្រូវយល់ដឹង​នូវប៊ូតុងចំនួន៧ខាងក្រោមនេះ ចៀស​វាង​ច្រលំ​បិទបើក​ដាច់ខាត​ ព្រោះវាអាច​បង្កគ្រោះថ្នាក់ និងបាត់​បង់ទ្រព្យសម្បត្តិ​បាន។

១. ប៊ូតុង​ភ្លើងហ្វា

នៅពេលច្រលំចុចបើកភ្លើងហ្វា ក្នុងពេល​មិនចាំបាច់ វាអាចប៉ះពាល់ភ្នែក​អ្នកបើកបរ​ដែលមកពីទិសផ្ទុយ ក្នុងអំឡុងបើកបរពេលយប់។

២. ប៊ូតុងបិទពោងសុវត្ថិភាព

រថយន្ត​មួយចំនួន​មាន​ប៊ូតុងសម្រាប់ចុចបិទ​មិនឱ្យដំណើរការ ដូច្នេះបើ​ច្រលំ​ចុចបិទវា​ទាំងមិនដឹងខ្លួន នោះវានឹង​មិនដំណើរការឡើយ ពេលជួបឧបទ្ទវហេតុ។

៣. ប៊ូតុងអំពូលកាត់អ័ព្ទ

ប្រសិនបើលោកអ្នក​បើកបរ​ក្នុងអំឡុងពេលមានភ្លៀងធ្លាក់ខ្លាំង ឬចុះអ័ព្ទ ហើយច្រលំចុចបិទប៊ូតុងនេះ អាច​នឹងធ្វើឱ្យលោកអ្នក​ប្រឈម​នឹងបញ្ហា​គ្រោះថ្នាក់​ជាច្រើន។

៤. ប៊ូតុង​ប្រព័ន្ធគ្រប់គ្រងលំនឹង

ប្រព័ន្ធនេះ​តែងតែដំណើរការដោយស្វ័យប្រវត្តិ​នៅពេល​ម៉ាស៊ីនរថយន្ត​ដំណើរការ ប៉ុន្តែប្រសិនបើច្រលំចុច​បិទវា លោកអ្នក​នឹង​មានការពិបាកបើកបរ​នៅចំណុចផ្លូវកោង ឬផ្លូវបត់ ពេលរត់ល្បឿនលឿន ដែល​មិនមាន​ប្រព័ន្ធទប់លំនឹង​ជួយ។

៥. ប៊ូតុង​បើកគម្របម៉ាស៊ីន

នេះជាប៊ូតុង​ដ៏គ្រោះថ្នាក់បំផុត ប្រសិន​បើ​ច្រលំចុចបើក​វា​ពេលកំពុងបើកបរ ពិសេស​គឺក្នុងល្បឿនលឿនទៀតនោះ វានឹង​ត្រូវខ្យល់បក់ខ្លាំងបណ្តាល​ឱ្យដាច់គម្របបាន។

៦. ប៊ុតុង​បើកគូទ ឬទ្វារក្រោយ

ប្រសិន​បើលោកអ្នកច្រលំចុចបើកវា ហើយដើរចោលចេញពីរថយន្ត នោះ​នឹង​ផ្តល់​ឱកាស​ឱ្យចោរលួចរបស់របរផ្សេងៗ​ក្នុងរថយន្ត ឬក្នុងគូទខាងក្រោយរថយន្តបាន។

៧. ប៊ុតុងបើកសន្ទះគម្រប​សាំង

ដូចគ្នា​ដែរ ប្រសិនបើអ្នកច្រលំចុចបើកវា ហើយដើរចោលរថយន្ត វាក៏នឹងផ្តល់ឱកាស​ដល់ចោរ​ក្នុងការលួច​គម្របសាំង ឬលួចបូមសាំងរថយន្តអ្នកទៀតផង៕

អត្ថបទ៖ សំភី

មតិយោបល់