តិចអត់ស្គាល់ រន្ធភ្ជាប់លើកុំព្យូទ័រ ១៦ ប្រភេទ មានខ្លះចង់ផុតសម័យកាលទៅហើយ

2018-08-07 04:20:18
ចំណេះដឹង

2018-08-07 04:20:18
ចំនួនមតិ 0 | ចំនួនចែករំលែក 0

ចន្លោះមិនឃើញ

រន្ធភ្ជាប់កុំព្យូទ័រ (Computer Port) ឬហៅថាម្យ៉ាងទៀតថា Communication Port ជាចំណុចភ្ជាប់ទំនាក់ទំនងរវាងកុំព្យូទ័រ និង Device នានាដូចជា Mouse, Keyboard, Monitor, Printer, Speaker ឬ Flash drive។ រន្ធភ្ជាប់មានច្រើនប្រភេទខុសគ្នា អាស្រ័យលើប្រភេទ Device ភ្ជាប់ជាមួយក្នុងការបង្កើតជាផ្លូវឲ្យទិន្នន័យរត់កាត់។

Communication Port អាចបែងចែកជាពីរប្រភេទ អាស្រ័យលើប្រភេទ ឬ Protocol ប្រើប្រាស់ក្នុងការទំនាក់ទំនង ដែលមាន Serial Ports និង Parallel Ports។

Serial Port ៖ ភ្ជាប់ប្រើ Serial protocol ក្នុងការបញ្ជូនទិន្នន័យ 1bit ក្នុងពេលមួយដងលើខ្សែទំនាក់ទំនងតែមួយ។
Parallel Port ៖ ប្រើភ្ជាប់ទំនាក់ទំនងរវាងកុំព្យូទ័រ និង Device នានា ដោយទិន្នន័យត្រូវបញ្ជូនចេញឬចូលក្នុងពេលដំណាលគ្នា ប្រើខ្សែទំនាក់ទំនងច្រើនជាងមួយ ដូចជា Printer ជាដើម។

PS/2

PS/2 Connector បង្កើតដោយ IBM ប្រើភ្ជាប់ Mouse និង Keyboard។ មានពណ៌តំណាង ស្វាយសម្រាប់ភ្ជាប់ Keyboard និងពណ៌បៃតងសម្រាប់ភ្ជាប់ Mouse ហើយបើភ្ជាប់ខុសរន្ធកុំព្យូទ័រមិនស្គាល់ឡើយ។

PS/2 Port បច្ចុប្បន្ន មិនមានច្រើនលើ Motherboard ម៉ូដែលថ្មីៗនោះទេ ដោយភាគច្រើនជំនួសដោយ USB Port។

Serial Port

Serial Port សំដៅលើ Interface (ផ្ទៃភ្ជាប់) ដែលប្រើស្តង់ដារ RS-232។ ជាធម្មតាឃើញលើកុំព្យូទ័រមាន Serial ports ពីរប្រភេទ DB-25 និង DE-9។

DB-25

DB-25 ជា Original port សម្រាប់ភ្ជាប់ Serial ប្រើ Protocol RS-232។ DB-25 កម្រឃើញប្រើជា Serial Port ដោយជាធម្មតាប្រើជា Parallel printer port ក្នុងការជំនួស Centronics Parallel 36 pin connector។

DE-9 ឬ RS-232 ឬ COM Port

DE-9 Port ឬហៅថា COM Port អាចអនុញ្ញាតឲ្យមានទំនាក់ទំនងបែប Serial ប្រភេទ Full duplex រវាងកុំព្យូទ័រ និង Device នានា ពាក់ព័ន្ធនឹងកុំព្យូទ័រ។ ការប្រើប្រាស់ DB-25 និង DE-9 Ports សម្រាប់ទំនាក់ទំនងមានការធ្លាក់ចុះ ដោយជំនួសមកប្រើ USB ឬ Port ដទៃទៀត។

Parallel Port ឬ Centronics 36 Pin Port

Parallel Port ជាផ្ទៃភ្ជាប់រវាងកុំព្យូទ័រ និង Device នានាដូចជា Printer ទំនាក់ទំនងបែប Parallel។ Centronics Port មានជើង 36 Pin Port បង្កើតជាផ្ទៃភ្ជាប់សម្រាប់ Printer និង Scanner។ ដូច្នេះ Parallel Port ក៏អាចហៅថា Centronics port ដែរ។

មុនពេលមានការប្រើ USB ports ទូលំទូលាយ Parallel ports បានប្រើជាមួយ Printer ហើយ Centronics Port ក្រោយមកជំនួសដោយ DB-25 Port ជាមួយផ្ទៃភ្ជាប់ Parallel។

Audio Ports

Audio Port ប្រើភ្ជាប់ Speaker ឬ Audio output device ផ្សេងទៀត ជាមួយកុំព្យូទ័រ។ រលកសំឡេង អាចជា Analogue ឬ Digital អាស្រ័យលើ ប្រភេទ Port និង Connector។

Surround Sound Connectors ឬ 3.5mm TRS Connector

Audio Port អាចប្រើភ្ជាប់ Stereo headphone ឬ Surround sound channel។ ប្រព័ន្ធ 6 Connector មានលើកុំព្យូទ័រដើរតួនាទីដ៏សំខាន់នាំសំឡេងចេញ ក៏ដូចជាភ្ជាប់ប្រើ Microphone។

6 Connector មានពណ៌ ខៀវ សរស្រអាប់បន្តិច ផ្កាឈូក ទឹកក្រូច ខ្មៅ និងប្រផេះ ដែលអាចប្រើសម្រាប់រៀបចំដំឡើង Surround sound ដល់ទៅ 8 Channel។

S/PDIF ឬ TOSLINK

S/PDIF (Sony/Phillips Digital Interface Format) អាចប្រើជាមួយ Digital audio និងត្រូវបានបញ្ជូនប្រើខ្សែ Coaxial RCA Audio ឬ Optical fiber TOSLINK connector។ ប្រព័ន្ធកម្សាន្តនៅផ្ទះភាគច្រើនបំពាក់ជាមួយ S/PDIF។

TOSLINK (Toshiba Link) ភាគច្រើនប្រើ Digital audio port ដែលអាចប្រើបាន 7.1 Channel Surround Sound ជាមួយខ្សែត្រឹមតែមួយ។

Video Ports

VGA Port

VGA Port មានលើកុំព្យូទ័រ, Projectors, Video Cards និង High Definition TVs។ នេះជា D-sub connector មានជើង 15 Pins ចែកជាបីជួរ។

Monitor ប្រភេទ LCD និង LED ទំនើបមួយចំនួនអាចប្រើ VGA Ports តែគុណភាពរូបភាពមានការថយចុះ។

VGA Ports ហាក់មានការជំនួសដោយ HDMI និង Display Port ដោយសារផ្ដល់គុណភាពរូបភាពបានល្អជាង។ Laptops មួយចំនួនមាន VGA Ports ជាប់នឹង Board ក្នុងការភ្ជាប់ External Monitor ឬ Projector។

Digital Video Interface (DVI)

DVI ជាផ្ទៃភ្ជាប់ល្បឿនខ្ពស់មួយរវាង Display Controller ដូចជាកុំព្យូទ័រ និង Display device ដូចជា Monitor។ នេះបង្កើតឡើងគោលបំណងបញ្ជូនរលកសញ្ញា Digital Video ដោយមិនបាត់បង់គុណភាព និងជំនួសបច្ចេកវិទ្យា Analogue VGA។

DVI Connectors មានបីប្រភេទ DVI-I, DVI-D និង DVI-A។

DVI-I ជា DVI Port អាចប្រើរលកសញ្ញាទាំង Analogue និង Digitals។
DVI-D អាចប្រើត្រឹម Digital signals។
DVI-A អាចប្រើត្រឹម Analogue signals។

Digital signals អាចជា Single link ឬ Dual link ដែល Single link ប្រើ Digital signal អាចទ្រាំទ្រ Resolution ដល់ទៅ 1920x1080។ Dual link ប្រើ Digital signal អាចទ្រាំទ្រ Resolution ដល់ 2560x1600។

Mini-DVI

Mini-DVI Port មានទំហំតូចជាង DVI Port បង្កើតឡើងដោយក្រុមហ៊ុន Apple ជាជម្រើសជំនួស Mini-VGA Port ដែលមានរូបរាងស្រដៀងគ្នា។ មានជើង 32 Pin Port មានសមត្ថភាពក្នុងការបញ្ជូន DVI, S-Video និង VGA Signals ដោយប្រើ Adapter ជំនួយ។

Micro-DVI

Micro-DVI Port មានទំហំតូចជាង Mini-DVI អាចបញ្ជូនត្រឹម Digital signals។ អាចភ្ជាប់ទៅ External devices ជាមួយផ្ទៃភ្ជាប់ DVI និង VGA ដោយប្រើ Adapter។

Display Port

Display Port ជាផ្ទៃភ្ជាប់ Digital display ជាមួយ Channel audio ច្រើន និងទម្រង់ទិន្នន័យដទៃទៀត។ នេះបង្កើតឡើងគោលបំណងជំនួស VGA និង DVI Ports ជាផ្ទៃភ្ជាប់សំខាន់រវាងកុំព្យូទ័រ និង Monitor។

Display Port 1.3 ជាជំនាន់ចុងក្រោយ អាចប្រើជាមួយ Resolution ដល់ទៅ 7680 x 4320។ មានជើង 20 Pin Connector តិចជាង DVI Port បើប្រៀបធៀប ហើយផ្ដល់កម្រិត Resolution ល្អប្រសើរជាង។

RCA Connector

RCA Connector អាចប្រើ Composite Video និង Stereo audio signals។ Composite Video បញ្ជូន Analogue Video Signals ហើយ Connector ជា RCA Connector មានពណ៌លឿង។ Connectors ពណ៌ក្រហម និងសរ ប្រើសម្រាប់ Stereo audio signals។

Component Video

Component Video ជាផ្ទៃភ្ជាប់ ដែល Video signals ត្រូវបានបំបែកទៅជាច្រើន Channels ហើយគុណភាព Video signal ក៏ល្អប្រសើរដែរ។

Component Video បញ្ជូនត្រឹម Video Signals និង Connector ពីរដាច់ដោយឡែក ប្រើសម្រាប់ Stereo audio។ Component Video Port អាចបញ្ជូនទាំង Analogue និង Digital Video signals។

Component Video ប្រើ Connector បី មានពណ៌បៃតង ខៀវ និងក្រហម។

S-Video

S-Video ឬ Separate Video Connector ប្រើសម្រាប់បញ្ជូនត្រឹម Video Signals ផ្ដល់គុណភាពរូបភាពល្អជាង Composite Video តែមាន Resolution តិចជាង Component Video។

S-Video Port មានលក្ខណៈស្រដៀងគ្នានឹង PS/2 Port តែមានជើង 4 Pins។ ធម្មតា មានពណ៌ខ្មៅ បង្ហាញវត្តមានភាគច្រើនលើ TV និងកុំព្យូទ័រ។

HDMI

HDMI (High Definition Media Interface) ជាផ្ទៃភ្ជាប់ Digital ដើម្បីភ្ជាប់ High Definition និង Ultra High Definition device ដូចជា Computer Monitor, HDTV, BluRay Player, Gaming console ឬ High Definition Camera។

HDMI Connector មានជើង 19 Pins ហើយជំនាន់ HDMI 2.0 ចុងក្រោយអាចប្រើ Digital Video Signal មាន Resolution ដល់ទៅ 4096 x 2160 និង 32 Audio Channels។

USB

USB (Universal Serial Bus) ប្រើជំនួស Serial Ports, Parallel Ports, PS/2 Connectors, Game Ports និងការសាកថ្មសម្រាប់ Portable Device។

USB Port អាចប្រើបញ្ជូនទិន្នន័យ មានបីប្រភេទ Type A, Type B ឬ Mini USB និង Micro USB។

USB Type A

USB Type-A Port មានជើង 4 Pin Connector។ មានជំនាន់ខុសគ្នានៃប្រភេទ Type-A USB Ports ដូចជា USB 1.1, 2.0 និង 3.0។ USB 3.0 ជាស្តង់ដារមួយ អាចប្រើល្បឿនទិន្នន័យ 400MBps។

USB 3.1 អាចប្រើល្បឿនទិន្នន័យដល់ទៅ 10Gbps។ USB 2.0 មានពណ៌ខ្មៅ ហើយ USB 3.0 មានពណ៌ខៀវ។

USB Type C

ជាប្រភេទ USB ចុងក្រោយ ប្រើទំនងជាជំនួស Type A និង B នាពេលអនាគត។ មានជើង 24 Pins ហើយមានបំពាក់បច្ចេកវិទ្យាសាកថ្មចុងក្រោយ (Fast Charging Technology) ដែលថ្មស្មាតហ្វូន អាចសាកបានលឿន។

RJ-45

Ethernet ប្រើភ្ជាប់កុំព្យូទ័រទៅកាន់អ៊ីនធឺណិត និងទំនាក់ទំនងជាមួយកុំព្យូទ័រផ្សេងទៀត ឬ Networking device។ ផ្ទៃភ្ជាប់ ប្រើសម្រាប់ Computer networking និង Telecommunication ត្រូវបានគេស្គាល់ថា Registered Jack (RJ)។

បច្ចេកវិទ្យា Ethernet ចុងក្រោយហៅថា Gigabit Ethernet អាចប្រើល្បឿនបញ្ជូនទិន្នន័យដល់ទៅ 10Gigabits ក្នុងមួយវិនាទី។ RJ-45 Ports មានជើង 8 Pins បំពាក់ LEDs ពីរគ្រាប់សម្រាប់កំណត់សម្គាល់ ការបញ្ជូន និងការសម្គាល់ Packet។

RJ-11

RJ-11 ជាប្រភេទ Registered Jack មួយផ្សេងទៀត ប្រើជាផ្ទៃភ្ជាប់សម្រាប់ Telephone, Modem ឬ ADSL Connections។ RJ-45 និង RJ-11 Ports មានលក្ខណៈស្រដៀងគ្នា តែ RJ-11 មានទំហំតូចជាង។

e-SATA

e-SATA (external Serial AT Attachment) connector ប្រើជាផ្ទៃភ្ជាប់សម្រាប់ភ្ជាប់ External mass storage devices។ e-SATAp មកពីពាក្យ Power e-SATA Ports ជាប្រភេទ e-SATA connector ថ្មីមួយទៀត។ តែទាំង SATA និង USB Organization មិនទាន់ទទួលស្គាល់ e-SATAp Port ជាផ្លូវការនោះទេ៕