មិនទាន់ហួសពេលទេ បើអ្នកដឹងគន្លឹះខ្លះៗ មុនទៅរកទិញទូរទស្សន៍តាមហាង

2018-08-02 07:25:46
ចំណេះដឹង

2018-08-02 07:25:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលអ្នករកទិញទូរទស្សន៍ សំខាន់ណាស់ដែលអ្នកត្រូវស្វែងរកព័ត៌មានឲ្យបានច្រើន។ មានលក្ខណៈស្មុគស្មាញ ពាក់ព័ន្ធនឹងការជ្រើសរើស ដោយសារមានទំហំ និងមុខងារច្រើនប្រភេទលើទូរទស្សន៍ ដែលត្រូវគិតគូរឲ្យបានច្បាស់។

1/ទូរទស្សន៍ឆ្លាតវៃឬទូរទស្សន៍ធម្មតា

ទូរទស្សន៍ឆ្លាតវៃ (Smart TV) អាចភ្ជាប់ប្រើអ៊ីនធឺណិត ចាក់បទចម្រៀង មើលភាពយន្ត ឬកម្មវិធីទូរទស្សន៍នានា។ Smart TV ធម្មតាផ្តល់គុណភាពរូបភាពច្បាស់ល្អ។ ពិតណាស់ ទិញ Smart TV នឹងចំណាយថវិកាច្រើន តែក៏ទទួលបានតម្លៃតបស្នងមកវិញមិនតិចដែរ។

2/ទំហំអេក្រង់

នរណាៗក៏ចង់បានអេក្រង់ធំដែរ ប៉ុន្តែក៏ត្រូវសិក្សាមើលទីតាំង ដែលអាចផ្តល់ផាសុកភាពដល់ការទស្សនា។

3/LCD, LED ឬ OLED

ទូរទស្សន៍ត្រូវបានបែងចែកដូចជា៖

LCD (Liquid Crystal Display)៖ ប្រើ Liquid crystals និងពន្លឺខាងក្រៅ ដើម្បីបង្ហាញរូបភាពលើអេក្រង់។
LED LCD (Light-Emitting Diodes)៖ ស្រដៀងនឹង LCD ដែរ តែវាប្រើ Light-emitting diodes លើផ្នែកខាងក្រោយអេក្រង់ ឬគែមដើម្បីបំភ្លឺ ធ្វើឲ្យរូបភាពលើអេក្រង់កាន់តែភ្លឺ។
OLED (Organic Light-Emitting Diodes)៖ ទទួលបាន Contrast Ratio ល្អប្រសើរជាមួយ OLED TVs ដោយសារ Pixels របស់វាផលិតពន្លឺខ្លួនឯង។ ថ្វីបើតម្លៃ OLED TV មានការធ្លាក់ចុះពីរ បីឆ្នាំនេះ តែក៏នៅតែថ្លៃគួរសមដែរ។

4/Screen Resolution

Resolution កាន់តែខ្ពស់ រូបភាពបង្ហាញលើអេក្រង់កាន់តែច្បាស់។ Resolution សំដៅលើចំនួន Pixels បង្កើតជារូបភាពបង្ហាញលើទូរទស្សន៍ ហើយ Resolution មកពីចំនួនបន្ទាត់ Pixels លើអេក្រង់ក្នុងពេលបង្ហាញម្តងៗ។

Full HD ឬ 1080p Resolution

អេក្រង់មាន Resolution 1920 x 1080 Pixels ផ្តល់គុណភាពរូបភាពច្បាស់ជាងទូរទស្សន៍ត្រឹម 720p។

Ultra HD ឬ 4K Resolution

អេក្រង់មាន Resolution 3840 x 2160 Pixels ប្រភេទ Ultra HD ឬ 4K TVs ផ្តល់រូបភាព និងអក្សរច្បាស់ល្អលើកញ្ចក់ទូរទស្សន៍។

វីដេអូមួយចំនួនប្រហែលមិនទាន់ដល់កម្រិត 4K នោះទេ។ ក្រុមហ៊ុនជាច្រើនកំពុងបំពាក់បច្ចេកវិទ្យានេះលើម៉ូដែលថ្មីៗ។ 4K មានកម្រិត HDR (High Dynamic Range) ជួយជំរុញគុណភាពពណ៌រូបភាពបានកាន់តែល្អប្រសើរ។

5/ខ្សែភ្ជាប់

រន្ធ HDMI៖ ប្រើបញ្ជូនសំឡេង និងវីដេអូកម្រិត HD។ ទូរទស្សន៍ជាច្រើនប្រើរន្ធ HDMI 1.4 តែអ្នកត្រូវការរន្ធ HDMI 2.0 សម្រាប់ 4K TVs។
រន្ធ USB៖ ចូលប្រើរូបភាពពី Flash ឬសាកថ្ម Device ដូចជា Google Chromecast ឬ Roku Streaming Stick។
A/V jacks៖ ភ្ជាប់ DVD Player ទៅកាន់ទូរទស្សន៍។
ខ្សែ Coaxial៖ ភ្ជាប់ខ្សែ Boxes និង Antennas។

6/Refresh Rate

ដើម្បីទទួលបានគុណភាពរូបភាពច្បាស់ល្អ ត្រូវការកម្រិតល្បឿន Refresh Rate ខ្ពស់។ តាមស្តង់ដារគឺ 60Hz (រូបភាព Refresh ៦០ដង ក្នុងមួយវិនាទី) តែល្បឿន Refresh Rate កាន់តែខ្ពស់នឹងជួយបង្ការរូបភាពបែក Pixels ពីឈុតឆាកមានភាពរហ័ស៕