វិធីដាក់ iPhone 8/8 Plus និង X ចូល DFU Mode ស្មុគស្មាញ ខុសគ្នាដាច់ពីម៉ូដែលចាស់

2018-04-24 09:41:32
គន្លឹះ

2018-04-24 09:41:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាធម្មតានៅពេលដែល iPhone ជាប់គាំងឬភ្លេចកូដមុខអេក្រង់ ចាំបាច់ត្រូវទាមទារឲ្យធ្វើការ Restore ម៉ាស៊ីនថ្មីតាមរយៈកម្មវិធី iTunes ដែលមានលើកុំព្យូទ័រ។ ប៉ុន្តែមុនឈានដល់ការ Restore កម្មវិធី iTunes មិនអាចចាប់ស្គាល់ iPhone នោះទេ ដរាបណាឧបករណ៍ស្ថិតក្នុង DFU Mode ជាមុនសិន។

ម៉ូឌែលចាស់ដូចជា iPhone 5/5s ឬ 6 និង 6 Plus ការដាក់ចូល DFU គ្រាន់ចុចប៊ូតុង Power និង Home ឲ្យជាប់រហូតដល់អេក្រង់ងងឹត ហើយព្រលែង Power ចោលជាការស្រេច។ ប៉ុន្តែចំពោះម៉ូឌែលថ្មីរួមមាន iPhone 8/8 Plus និង X ខុសប្លែកពីម៉ូឌែលចាស់ទាំងស្រុង។

+វិធីចូល DFU Mode លើ iPhone X&iPhone 8:

បើកកម្មវិធី iTunes លើ Mac ឬ PC
ដោតភ្ជាប់ iPhone ទៅកាន់កុំព្យូទ័រតាមរយៈខ្សែ USB
បិទម៉ាស៊ីនទូរសព្ទតាមប៊ូតុង Power ជាធម្មតា
ចុចប៊ូតុង Power ប្រមាណ ៣ វិនាទី
បន្ថែមនឹងការចុចប៊ូតុង Volume Down ឲ្យជាប់ព្រមគ្នារហូតដល់ ១០ វិនាទី
ដកម្រាមដៃចេញពីប៊ូតុង Power តែសង្កត់ជាប់នៅ Volume Down ដល់ ៥ វិនាទី
រហូតដល់អេក្រង់ប្រែទៅជាពណ៌ខ្មៅ ហើយមានសារមួយលើ iTunes បញ្ជាក់ថា iPhone របស់អ្នកជាប់ក្នុង DFU Mode។

#បញ្ជាក់: ករណីឃើញឧបករណ៍លោត Logo Apple មិនទាន់ជោគជ័យនោះទេ ដោយ DFU Mode កើតឡើងនៅពេល iPhone ងងឹតអេក្រង់ឈឹង ដូច្នោះអាចសាកល្បងអនុវត្តម្តងទៀតសារជាថ្មី។