ថ្មី​ៗ​នេះ​​ម្ចាស់​គណនី​ Facebook ​មួយ​ចំនួន​បាន​ត្អូញត្អែ​ថា​ គេ​ត្រូវ​បាន​រំខាន​ដោយការ​​​ផ្ញើ​សារ​អញ្ជើញ (Invite)​ ឲ្យ​លេង​ហ្គេម​ផ្សេង​ៗ​ ជា​ពិសេស​ Pirate Kings ​លើ​​បណ្ដាញ​​សង្គម​មួយ​នេះ។ តាម​ពិត​ទៅ​ អ្នក​អាច​​​បិទ​មិន​ឲ្យ​មានការ​​​​អញ្ជើញ​​​ឲ្យ​លេង​​ Pirate Kings ឬ​ហ្គេម​ផ្សេង​ៗ​​ទៀត​​​ ដោយ​ប្រើ​ពេល​ត្រឹម​តែ​កន្លះ​​នាទី​ប៉ុណ្ណោះ។ ចង់​ដឹង​ពី​របៀប​នៃ​ការ​បិទ​ការ​រំខាន​នេះ​ សាក​តាម​វិធី​ខាង​ក្រោម៖

១) ចុច​​ត្រង់​ Notification នៃ​ Facebook​ របស់​អ្នក​ រួច​ចុច​សញ្ញា​ X ​ត្រង់​​ហ្គេម​ដែល​​ Invite ​អ្នក ដើម្បី​បញ្ឈប់​ការ​ទទួល​ការ​អញ្ជើញ​​នេះ​តទៅ​​ទៀត។ (មើល​រូប​)

២) ក្រោយ​ពី​ចុច​សញ្ញា X​ រួច​ ចុច​ពាក្យ​ Turn Off

៣) ជំហាន​បន្ទាប់​ ចុច​​​ប៊ូតុង​ខាង​លើ​​ ផ្នែក​ខាង​ស្ដាំ​​បង្អស់​ រួច​ជ្រើស​យក​​​ Settings

២) បន្ទាប់​មក​ ចុច​លើ​ពាក្យ​​ Blocking នៅ​ផ្នែក​ខាង​ឆ្វេង​

៣) ជ្រើស​យក​ Block apps ដោយ​វាយ​ឈ្មោះ​ហ្គេម​នោះ​ (ឧ. Pirate Kings) ត្រង់​ Black apps។ លើស​ពីនេះ​​​ បើ​មាន Friend ណា​ឧស្សាហ៍​​ Invite ​អ្នក​ឲ្យ​លេង​ហ្គេម​ណា​មួយ​​ច្រើន​ដង​​​ ជ្រើស​យក​​ Block app invites ហើយ​វាយ​ឈ្មោះ​ Friend ​នោះ​​ត្រង់​ Block invites from ជា​ការ​ស្រេច។

 -អាន​អត្ថបទ៖ គន្លឹះ​ដ៏​ឆ្លាតវៃ​សម្រាប់​អ្នក​លេង​​Facebook​ ​កុំ​អោយ​​គេ​ខឹង​

ប្រភព៖ facebook