- 2014-12-02 22:01:27
- ព័ត៌មាន
ទូរសព្ទ Microsoft ដំបូងបង្អស់ចេញលក់នៅកម្ពុជាហើយ
- 2014-12-02 22:01:27
- ចំនួនមតិ 0 | ចំនួនចែករំលែក 0
ទូរសព្ទ Microsoft ដំបូងបង្អស់ចេញលក់នៅកម្ពុជាហើយ
ចន្លោះមិនឃើញ
រយៈពេល ៣ សប្ដាហ៍ហើយដែល Microsoft បានបញ្ចេញលក់ជាផ្លូវការនៃទូរសព្ទដំបូងបង្អស់របស់ខ្លួននៅប្រទេសធំៗមួយចំនួន ដោយឡែកសម្រាប់កម្ពុជាទើបតែប្រកាសលក់ជាផ្លូវការនៃទូរសព្ទ Lumia 535 នេះ។
លោក រ៉ាហ៊ុល ខាវេ អគ្គនាយកការិយាល័យតំណាងនៃក្រុមហ៊ុន Microsoft Devices ប្រចាំនៅកម្ពុជាបានឲ្យដឹងថា ទូរសព្ទ Lumia 535 ស៊េរីថ្មីនេះគឺមានស្លាកយីហោ Microsoft ដែលជាស្មាតហ្វូនដំបូងបង្អស់របស់ក្រុមហ៊ុន Microsoft។
លោកបន្តថាស្មាតហ្វូនម៉ូដែលថ្មី Microsoft Lumia 535 ស៊ីមពីរនេះដំណើរការដោយប្រព័ន្ធប្រតិបត្តិការ Windows Phone 8.1 កំណែប្រែថ្មីចុងក្រោយបង្អស់ ដែលនាំមកនូវបទពិសោធន៍ Microsoft ថ្មីចុងក្រោយ។
ដោយផ្ដល់ជូននូវកាមេរ៉ាមុខប្រភេទ Wide Angle 5 MP, កាមេរ៉ាក្រោយ 5M មាន Flash LED និងអេក្រង់ទំហំ 5 អ៊ិញ, ស្មាតហ្វូន Lumia 535 ស៊ីមពីរ មានលក្ខណៈពិសេសដូចជា៖
និយាយឃើញមុខគ្នាតាម Skype វីដេអូ Call ហើយ អាចប្ដូរពីការប្រាស្រ័យទាក់ទងគ្នាតាមវីដេអូ ទៅជាការប្រាស្រ័យទាក់ទងគ្នាតាមសំឡេង និងកម្មវិធីដែលដំឡើងរួចជាស្រេច ។
បើកមើល កែ និងផ្ញើឯកសារក្នុងកម្មវិធី Word, Excel, PowerPoints និងកម្មវិធីកំណត់ត្រា OneNote គ្រប់ទីកន្លែង ជាមួយកម្មវិធី Office បញ្ចូលរួចជាស្រេច។
រក្សា និងសំយោគរូបភាព, វីដេអូ ឯកសារ Office ទាំងឡាយចូលទៅក្នុង OneDrive ទំហំរហូតដល់ទៅ 15GB ដោយឥតគិតថ្លៃ។
ធ្វើជាម្ចាស់នៃជំនួយការដ៏ឆ្នើម Cortana ដែលយល់ការរាក់ជ្រៅនៃអ្នកប្រើប្រាស់។
បង្រួមអ៊ីមែលការងារ និងអ៊ីមែលផ្ទាល់ខ្លួន ចូលគ្នាតែមួយ តាមកម្មវិធី Microsoft Outlook មានរួចជាស្រេច ។
បង្ហាញរូបភាព និងវីដេអូ ឬ ឯកសារ Office ឲ្យអ្នកដទៃមើល នៅលើអេក្រង់ qHD ទំហំ 5 អ៊ីញ។
បង្ហាញផ្ទៃខាងក្រោយធំទូលាយ ឃើញមុខមនុស្សច្រើននាក់នៅពេល Call តាមវីដេអូ Skype ឬថតរូប Selfie កាមេរ៉ាមុខ Wide Angle 5MP ។
ចៀសផុតពី Missed call ឬ missed text ហើយអាចទាក់ទងបានទៅកាន់ស៊ីមកាតទាំងពីរគ្រប់ពេលវេលាដោយមុខងារ Smart Dual Sim។
លោកបញ្ជាក់ថាសម្រាប់តម្លៃលក់លើទីផ្សារកម្ពុជាក្នុងតម្លៃ ១៤៨ ដុល្លារអាមេរិក និង មានការបន្ថែមជូនយ៉ាងពិសេសជាច្រើនពីក្រុមហ៊ុន Cellcard ដូចជាទទួលបាន ស៊ីមកាត ហ្វ្រីអ៊ីនធឺណិត និង ហ្វ្រីក្នុងការហៅទូរសព្ទចេញផងដែរ។
អានអត្ថបទ៖ Lumia 535 ដំបូងរបស់ Microsoft ចេញផ្លូវការហើយ
អានអត្ថបទ៖ លក្ខណៈពិសេស Microsoft Lumia 535 រូបមន្ត 5x5x5
អត្ថបទ៖ ដារ៉ាឆានី
