- 2022-05-23 02:42:49
- ផលិតផលថ្មី
Corolla ចេញស៊េរីថ្មីទៀតហើយ តែមួយនេះប្រើសម្រាប់រកលុយមកវិញ
- 2022-05-23 02:42:49
- ចំនួនមតិ 0 | ចំនួនចែករំលែក 0
Corolla ចេញស៊េរីថ្មីទៀតហើយ តែមួយនេះប្រើសម្រាប់រកលុយមកវិញ
ចន្លោះមិនឃើញ
ក្រុមហ៊ុន Toyota បានបញ្ចេញរថយន្ត Corolla បែបពាណិជ្ជកម្ម ហៅថា Corolla Commercial 2022 ត្រូវបានអភិវឌ្ឍជាពិសេសសម្រាប់ការប្រើប្រាស់ក្នុងការរកស៊ីដឹកជញ្ជូនទំនិញ។
កៅអីខាងក្រោយ អាចដកចេញបានដើម្បីបង្កើនភាពធំទូលាយមានចំណុះ ១៣២៦លីត្រ ហើយអាចផ្ទុកឥវ៉ាន់ដល់ ៤២៥គីឡូក្រាម និងអាចអូសសណ្តោងបានដល់ ៧៥០គីឡូក្រាម។
ក្នុងការប៊ីននេះដែរ វាបំពាក់ប្រព័ន្ធកម្សាន្ត Touchscreen ទំហំ ៨អ៊ីញ អាចភ្ជាប់ Apple CarPlay និង Android Auto, កាមេរ៉ាមើលក្រោយ, ចង្កៀងមុខបិទបើកអូតូ, ប្រព័ន្ធកម្តៅ និងត្រជាក់អូតូជាដើម។ វាក៏បំពាក់ប្រព័ន្ធសុវត្ថិភាព Toyota Safety Sense រួមមានដូចជា ប្រព័ន្ធព្រមានពេលមានឧបសគ្គខាងមុខដែលនឹងអាចប៉ះទង្គិចគ្នា, ប្រព័ន្ធគ្រប់គ្រងល្បឿនអូតូ, ប្រព័ន្ធព្រមានពេលរេចង្កូតចេញពីគន្លង និងភ្លើងហ្វាអូតូជាដើម។
ចំណុចពិសេសមួយទៀត គឺវាជារថយន្តវ៉ែន Corolla ដំបូងដែលប្រើម៉ាស៊ីន Hybrid សម្រាប់ទីផ្សារអង់គ្លេស និងអឺរ៉ុប។ ម៉ាស៊ីនវាគឺមានចំណុះ ១,៨លីត្រ ផលិតបានកម្លាំង ១២០សេះ និងកម្លាំងរមួល ១៤២ញ៉ូតុនម៉ែត្រ ដោយវារាងស្ទក់បន្តិចពោលគឺជាន់ស្ទុះពីល្បឿន ០ ដល់ ១០០គីឡូម៉ែត្រ/ម៉ោង ប្រើពេល ១១,១វិនាទី និងល្បឿនអតិបរមា ១៨០គីឡូម៉ែត្រ/ម៉ោង។
រថយន្ត Toyota Corolla Commercial 2022 ត្រូវបានដាក់លក់នៅអង់គ្លេស និងអឺរ៉ុប ក្នុងតម្លៃ ២៦ ៥១០អឺរ៉ូ ឬប្រហែល ២៨ ០០០ដុល្លារ៕
