- 2022-05-17 08:43:15
- ផលិតផលថ្មី
Lexus UX 2023 កាន់តែទំនើប តែខកចិត្តតិច វាមានជម្រើសម៉ាស៊ីនមួយគត់
- 2022-05-17 08:43:15
- ចំនួនមតិ 0 | ចំនួនចែករំលែក 0
Lexus UX 2023 កាន់តែទំនើប តែខកចិត្តតិច វាមានជម្រើសម៉ាស៊ីនមួយគត់
ចន្លោះមិនឃើញ
រថយន្ត Lexus UX 2023 ត្រូវបានបញ្ចេញហើយ ដែលមនុស្សទូទៅអាចនឹងយល់ច្រលំថាវាជាប្រភេទរថយន្តអគ្គិសនី តែការពិតគឺវាមកតែជាមួយម៉ាស៊ីន Hybrid មួយគត់ សម្រាប់ទីផ្សារអូស្រ្តាលី។
យើងអាចហៅរថយន្តបានម្យ៉ាងទៀតថា UXh 2023 ដែលអក្សរ h តំណាងឱ្យពាក្យ Hybrid។ វាប្រើម៉ាស៊ីនចំណុះ ២,០លីត្រ និងម៉ូទ័រអគ្គិសនីមួយបំពាក់នៅកង់ក្រោយ ផលិតបានកម្លាំងសរុប ១៨១សេះ។
រូបរាងខាងក្រៅរបស់វាផ្លាស់ប្តូរតិចតួច ហើយផ្នែកខាងក្នុងកាន់តែទំនើប ដែលអេក្រង់ Touchscreen មានទំហំដល់ ១២,៣អ៊ីញ អាចភ្ជាប់ Apple CarPlay, Android Auto, Satellite Navigation។ ជាមួយគ្នានេះ វាបំពាក់ប្រព័ន្ធជំនួយបញ្ជារថយន្តដោយប្រើសំឡេង "Hey Lexus" និងបច្ចេកវិទ្យាផ្សេងៗទៀតដូចជា សោឌីជីថល និងមុខងារបញ្ជាតាមស្មាតហ្វូនជាដើម។
Lexus នឹងបញ្ចេញរថយន្ត Hybrid នេះជាផ្លូវក្នុងពេលឆាប់ៗនេះ ដោយតម្លៃ និង Spec របស់វានឹងត្រូវទម្លាយពេលនោះតែម្តង៕
