- 2022-01-11 06:50:54
- ផលិតផលថ្មី
Honda X-Adv ឆ្នាំ២០២២ ជិតចេញលក់ឆាប់ៗ តម្លៃដដែលតែកម្លាំងម៉ាស៊ីនធំជាងមុន
- 2022-01-11 06:50:54
- ចំនួនមតិ 0 | ចំនួនចែករំលែក 0
Honda X-Adv ឆ្នាំ២០២២ ជិតចេញលក់ឆាប់ៗ តម្លៃដដែលតែកម្លាំងម៉ាស៊ីនធំជាងមុន
ចន្លោះមិនឃើញ
ម៉ូតូ Honda X-Adv 750 ឆ្នាំ២០២២ នឹងត្រូវចេញលក់នៅក្នុងអំឡុងពាក់កណ្តាលខែមករានេះនៅប្រទេសម៉ាឡេស៊ី ដោយរក្សាតម្លៃដដែលប្រមាណ ១៦ ១៦៣ដុល្លារ ប៉ុន្តែកម្លាំងម៉ាស៊ីនមានការកែប្រែថ្មី ដោយធំជាងមុនបន្តិច។
ម៉ូតូ Scooter ដែលកំពុងពេញនិយមមួយនេះ ប្រើប្រាស់ម៉ាស៊ីនចំណុះ ៧៤៩សេសេ ផលិតបានកម្លាំង ៥៧,៨សេះ និងកម្លាំងរមួល ៦៩ញ៉ូតុនម៉ែត្រ ដែលធំជាងស៊េរីមុន ៤សេះ។
យ៉ាងណាមិញ ទម្ងន់របស់ម៉ូតូនេះស្រាលជាងមុន ដោយមានទម្ងន់ត្រឹម ២៣១គីឡូក្រាម ដោយសារដកចេញផ្នែកខ្លះនៃតួម៉ូតូ។ ឃ្លុបក្រោមកែបអាចផ្ទុកឥវ៉ាន់ដល់ ២២លីត្រ គ្រប់គ្រាន់សម្រាប់ដាក់មួកសុវត្ថិភាពមួយ។
X-ADV បានបំពាក់កុងទ័រឌីជីថលប្រភេទកញ្ចក់ TFT-LCD ទំហំ ៥អ៊ីញ ភ្ជាប់មកជាមួយមុខងារ Voice Control តាមរយៈ Bluetooth និងកាស។ វាអនុញ្ញាតឱ្យអ្នកបើកបរអាចរៀបចំការខលទូរសព្ទ អ៊ីមែល ស្តាប់ចម្រៀង និងមើលផែនទីជាដើម ដែលបញ្ជាចេញតាមស្មាតហ្វូន។ ក្រៅពីនេះ វាក៏មានរន្ធសាកថ្ម USB និងមានចង្កៀងជាប្រភេទ LED។
លើសពីនេះ ម៉ូតូ Honda X-ADV មាន Mode សម្រាប់បើកបរចំនួន៤ រួមមាន Standard, Sport, Rain និង Gravel រួមទាំង Mode ទី៥ នៅពេលប្រើមុខងារទប់លំនឹង traction control៕