- 2022-01-03 08:46:00
- ផលិតផលថ្មី
ម៉ូតូ Honda Lead ឆ្នាំ២០២២ រក្សារូបរាងដដែល តែប្រើម៉ាស៊ីនថ្មី
- 2022-01-03 08:46:00
- ចំនួនមតិ 0 | ចំនួនចែករំលែក 0
ម៉ូតូ Honda Lead ឆ្នាំ២០២២ រក្សារូបរាងដដែល តែប្រើម៉ាស៊ីនថ្មី
ចន្លោះមិនឃើញ
ទោះបីជានៅបន្តរូបរាងដដែល ប៉ុន្តែម៉ូតូ Honda Lead ឆ្នាំ២០២២ គឺបានផ្លាស់ប្តូរម៉ាស៊ីនប្រភេទថ្មី ដែលជាចំណុចដ៏ទាក់ទាញមួយ សម្រាប់អ្នកនិយមលើប្រភេទម៉ូតូអូតូនេះ។
ម៉ូតូនេះ បំពាក់ម៉ាស៊ីនថ្មី eSP+ ចំណុះ១២៤,៨សេសេ ផលិតបានកម្លាំង ១១,១៧សេះ និងកម្លាំងរមួល ១១,៧ញ៉ូតុនម៉ែត្រ។ បច្ចេកវិទ្យាម៉ាស៊ីនថ្មីនេះ គឺត្រូវបានដាក់នៅលើម៉ូតូប្រភេទ scooter ដែលផលិតនាពេលបច្ចុប្បន្ននេះ ដោយវាជួយជំរុញសន្ទុះម៉ូតូ មិនឱ្យប្រឹងខ្លាំង ពេលមូលកាន់តែកប់។
ម៉ូតូ Honda Lead ឆ្នាំ២០២២ ត្រូវបានឌីហ្សាញរូបរាងតូចទំនើបទាន់សម័យ ងាយស្រួលដល់ការបើកបរក្នុងទីក្រុង ឬផ្លូវដែលមានកកស្ទះ និងចង្អៀត។ កាបាំងខាងមុខ មានរាងបែប U-Shape ដែលចង្កៀងជាប្រភេទ LED។ វាក៏មានរន្ធសាកថ្ម USB ប្រព័ន្ធ Smart Key ដែលប្រឆាំងពីការលួច និងប្រព័ន្ធភ្លើងខាងមុខបើកអូតូ អំឡុងពេលធ្វើដំណើរក្នុងស្ថានភាពមានពន្លឺមិនច្បាស់លាស់។
លើសពីនេះ ខាងក្រោមកែបនៃម៉ូតូអូតូនេះ គឺអាចផ្ទុកឥវ៉ាន់បានច្រើនដល់ ៣៧លីត្រ ពោលគឺឃ្លុបវាអាចដាក់មួកសុវត្ថិភាពបាន២ និងរបស់របរផ្សេងទៀត។ ចំណែកធុងសាំង គឺអាចផ្ទុកសាំងដល់ ៦លីត្រទៀតផង។
Honda Lead ឆ្នាំ២០២២ ត្រូវបានដាក់លក់ក្នុងប្រទេសវៀតណាម ដែលមានតម្លៃចាប់ពី ១៦៩០ដុល្លារឡើងទៅ៕