- 2021-08-09 08:02:16
- ព័ត៌មាន
រកឃើញថា ចំនួនអ្នកមើលវីដេអូលើ TikTok ច្រើនម៉ោងជាង YouTube ទៅទៀត
- 2021-08-09 08:02:16
- ចំនួនមតិ 0 | ចំនួនចែករំលែក 0
រកឃើញថា ចំនួនអ្នកមើលវីដេអូលើ TikTok ច្រើនម៉ោងជាង YouTube ទៅទៀត
ចន្លោះមិនឃើញ
លោក Chuzen Kin អ្នកគ្រប់គ្រងទីផ្សារជាន់ខ្ពស់មកពីស្ថាប័នជំនាញ App Annie ឬពាក្យពេញ The App Analytics and App Data Industry Standard លើកឡើងថា៖ «ចំនួនអ្នកមើលវីដេអូ TikTok សរុបមានចំនួនច្រើន និងរកឃើញថា លេងក្នុងរយៈពេលវែងជាង YouTube ព្រោះតែទម្រង់វីដេអូខ្លីៗលើ TikTok មានភាពទាក់ទាញនិងចម្រុះវីដេអូមានទាំងចម្រៀងនិងកំប្លុកកំប្លែង ធ្វើឲ្យអ្នកមើលមិនធុញទ្រាន់។»
របាយការណ៍ថ្មីចុងក្រោយបំផុត ក៏បានបង្ហាញដែរថា កម្មវិធី TikTok ក្លាយជាកម្មវិធីដែលគេដោនឡូតច្រើនបំផុតនៅលើពិភពលោក ហក់ឡើងមកលេខ ១ នៅឆ្នាំ ២០២០ និងកំពុងនាំមុខដដែលនៅឆ្នាំ ២០២១ (គិតត្រឹមពាក់កណ្ដាលឆ្នាំ)។
ចំនួននេះបានរុញឲ្យ TikTok បង្កើតកំណត់ត្រាជោគជ័យលើកដំបូង គិតចាប់ពីប្រកាសផ្លូវការនៅឆ្នាំ ២០១៧ មកម្ល៉េះ។ ទិន្នន័យសរុបគិតទាំងនៅសហរដ្ឋអាមេរិចនិងចក្រភពអង់គ្លេស។
បើគិតទៅលើប្រភេទ social media App កម្មវិធីត្រូវបានគេដោនឡូតច្រើននៅលេខបន្តបន្ទាប់ក្រៅពី TikTok សុទ្ធតែជាផលិតផលរបស់ក្រុមហ៊ុន Facebook Inc មានដូចជា៖ Facebook, WhatApp, Instagram, Messenger និង Telegram របស់រុស៊្សី ជាដើម។ ប្រភព៖ Nikkei Asia
នេះគឺតារាងចំនួនអ្នកលេង ទូទាំងពិភពលោក(ផ្នែកខាងលើ) និងនៅអាស៊ី(ផ្នែកខាងក្រោម)៖
ចំពោះនៅកម្ពុជា TikTok មានអ្នកដោនឡូតនិងកំពុងមានគណនី ចំនួន 500K (កន្លះលាន) គិតត្រឹមឆ្នាំ ២០១៩ កន្លងទៅដែលជារបាយការណ៍ចេញផ្សាយដោយគេហទំព័រ Geek in Cambodia ៕