អង្គការ NASA បានជ្រើសរើសយកក្រុមហ៊ុន NOKIA ជាដៃគូមួយក្នុងគម្រោងនាពេលអនាគតគឺ គម្រោងអភិវឌ្ឃ​បច្ចេកវិទ្យាកម្រិតខ្ពស់ ដើម្បីតភ្ជាប់និងតំឡើងបណ្ដាញសេវាអ៊ឺនធើណិតស្មាតហ្វូន នៅលើភពព្រះចន្ទ។

មិនមែនមានតែ Nokia ផ្តាច់មុខឯកឯងទេ នៅមានក្រុមហ៊ុនបច្ចេកវិទ្យាអាមេរិចចំនួន ១៣ ផ្សេងទៀតដែលមានឈ្មោះទទួលបានជាទឺកប្រាក់ជ័យលាភីសរុបគឺ ៣៧០ លានដុល្លារអាមេរិច។ ក្នុងនោះ NOKIA ទទួលបាន ១៤,១ លានដុល្លារអាមេរិក រីឯ SpaceX ទទួលបាន ៥៣,២ លានដុល្លារក្នុងបញ្ជីគម្រោងក្រុមហ៊ុនត្រូវអភិវឌ្ឃបច្ចេកវិទ្យាកម្រិតខ្ពស់ដែលជាផ្នែកមួយនៃគម្រោងអវកាស Artemis របស់ NASA ។

គម្រោងខាងលើនេះទៀតសោត Nokia និងក្រុមហ៊ុនទាំងអស់នោះ ត្រូវសហការគ្នាផ្តល់ជូននូវការតំឡើងបណ្ដាញដោយជោគជ័យ ទាំងបញ្ជូនទិន្នន័យទៅមក ភ្ជាប់មនុស្សយន្តឬរ៉ូបូតដើម្បីធ្វើការ និងភ្ជាប់ទំនាក់ទំនងតាមរយៈសំឡេងនិងវីដេអូ ជាមួយអវកាសយានិកផ្ទាល់។ គម្រោងនេះនឹងដំណើការនៅឆ្នាំ ២០២៤ ខាងមុខ។

ចំណុចពិសេសដែល NOKIA មានក្នុងដៃគឺបច្ចុប្បន្នកំពុងសាងកេរ្តិ៍ឈ្មោះជាក្រុមហ៊ុនស្ដង់ដារមួយ ក្នុងចំណោមក្រុមហ៊ុនធំៗដទៃ ក្នុងការតំឡើងប្រព័ន្ធបណ្ដាញនៅអាមេរិចនិងអឺរ៉ុប។

ដោយឡែកឈ្មោះ Nokia Phoneឯណោះវិញលក់ឲ្យ HMD ស្ថិតក្រោមការគ្រប់គ្រងរបស់សេដ្ឋីចិនបាត់ទៅហើយ៕